ДЗЯРЖОРГАНЫДЗЯРЖОРГАНЫ
Флаг Чацвер, 6 мая 2021
Мінск Суцэльная воблачнасць +7°C
Усе навіны
Усе навіны
Грамадства
12 сакавіка 2021, 14:25

Піневіч расказаў, на што патрацяць $20 млн крэдыту Фонду ОПЕК

Фота  Reuters
Фота Reuters

12 сакавіка, Маладзечна /Кар. БЕЛТА/. Міністр аховы здароўя Дзмітрый Піневіч, адказваючы на пытанні журналістаў, расказаў падрабязнасці аб умовах і прызначэнні крэдыту на суму $20 млн ад Фонду міжнароднага развіцця ОПЕК, перадае карэспандэнт БЕЛТА.

Паводле слоў міністра, крэдыт прадастаўлены на выгадных для Беларусі ўмовах, у частцы памеру працэнтнай стаўкі і тэрмінаў вяртання. Асаблівасць зацверджанага крэдытнага пагаднення таксама і ў тым, што ён не мае прывязкі да мэтавага выкарыстання. "Ён павінен быць накіраваны на пагашэнне расходаў бюджэту на COVID-19. Гэта значыць няма абмежавання, што гэта толькі на медыкаменты, на абсталяванне або зарплатныя праекты, - растлумачыў Дзмітрый Піневіч. - Мы з Міністэрствам фінансаў глядзім расходы, якія былі, і гэтыя расходы бюджэту будуць ісці за кошт крэдытных рэсурсаў, дазваляючы нам запланаваныя бюджэтныя рэсурсы накіраваць на ўмацаванне матэрыяльна-тэхнічнай базы ў сістэме аховы здароўя".

Міністр удакладніў, што гэта не першы вопыт такіх пазык. Міністэрства аховы здароўя працуе ў тым напрамку таксама з Сусветным банкам. Але яго сродкі, у адрозненне ад Фонду ОПЕК, ідуць мэтавым чынам на закупку лякарстваў, абсталявання, рэалізацыю інфармацыйнай стратэгіі.

Як паведамлялася, 11 сакавіка кіраўнік дзяржавы Аляксандр Лукашэнка падпісаў указ нумар 89, якім зацверджана крэдытнае пагадненне паміж Беларуссю і Фондам міжнароднага развіцця ОПЕК (праграма неадкладнай дапамогі ў сферы дзяржаўнай аховы здароўя), падпісанае 24 снежня 2020 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі