5 жніўня, Мінск /Кар. БЕЛТА/. Міністэрства аховы здароўя будзе строга кантраляваць парадак выплат надбавак медыцынскім работнікам. Аб гэтым карэспандэнту БЕЛТА паведаміў міністр аховы здароўя Дзмітрый Піневіч.
У чэрвені з-за стабілізацыі сітуацыі з каранавірусам і пераходам паліклінік і бальніц на звычайны рэжым работы так званыя кавідныя надбаўкі для медыцынскіх работнікаў знялі. Аднак у той жа час указам кіраўніка дзяржавы ўведзены новыя стымулюючыя выплаты, сума якіх залежыць ад складанасці і інтэнсіўнасці работы спецыяліста.
"Цяпер узровень шпіталізацыі па каранавіруснай інфекцыі нізкі. Выплаты надбавак былі зняты, але пры гэтым ўведзены масіраваныя дыферэнцыраваныя выплаты ўсім катэгорыям медыцынскіх работнікаў, пачынаючы ад медсясцёр і заканчваючы работнікамі рэанімацыі. Рашэнне Прэзідэнта для ўсіх нас вельмі важны момант. Мы праводзім маніторынг па профілях медыцынскіх спецыяльнасцей. Наша строгае патрабаванне заключаецца ў тым, каб усе надбаўкі былі выплачаны. Акрамя таго, ёсць умова, што медыцынскаму работніку павінны быць захаваны ўсе планавыя надбаўкі, якія існавалі раней", - пракаменціраваў Дзмітрый Піневіч.-0-
