ДЗЯРЖОРГАНЫДЗЯРЖОРГАНЫ
Чацвер, 3 снежня 2020
Мінск Суцэльная воблачнасць -2°C
Усе навіны
Усе навіны
Грамадства
23 кастрычніка 2020, 13:17

Піневіч: кваліфікацыя персаналу хуткай дапамогі дае магчымасць аператыўна аказваць дапамогу нават складаным пацыентам

Фота з архіва
Фота з архіва

23 кастрычніка, Мінск /Кар. БЕЛТА/. Кваліфікацыя персаналу хуткай дапамогі дае магчымасць аператыўна аказваць дапамогу нават складаным пацыентам, паведаміў журналістам выконваючы абавязкі міністра аховы здароўя Дзмітрый Піневіч у час урачыстага мерапрыемства, прысвечанага 110-годдзю службы хуткай дапамогі Мінска, перадае карэспандэнт БЕЛТА.

"Спецыяліст хуткай дапамогі стаў вышэйшым па кваліфікацыі, чым быў раней. Ён мае шэраг сэрвісаў. Можна зрабіць кардыяграму, адправіць яе ў экспертны цэнтр і атрымаць у анлайн-рэжыме заключэнне. Можна звязацца са стацыянарам і пры транспарціроўцы пацыента ў крытычным стане адразу атрымаць доступ да спецыялізаванай дапамогі на ўваходзе ва ўстанову аховы здароўя. Гэта значыць даволі шмат такіх элементаў работы, аб якіх раней можна было толькі марыць. Ну і, вядома ж, нашы аўтамабілі і кваліфікацыя персаналу даюць магчымасць дастаўляць пацыентаў на далёкія адлегласці", - сказаў Дзмітрый Піневіч.

У ліку задач, якія стаяць сёння перад хуткай дапамогай, - павышэнне кваліфікацыі персаналу, якая ў многім з'яўляецца аптымальнай. "Другі кампанент - перааснашчэнне, пачынаючы ад медыцынскага абсталявання, набораў лекавых сродкаў і, безумоўна, аўтамабільнага парку. Трэці кампанент - гэта ўласна падстанцыі хуткай медыцынскай дапамогі. 10-я падстанцыя хуткай дапамогі, у якой мы знаходзімся, - адна з новых тыпавых і аснашчана па самым апошнім слове тэхнікі, камфартабельнасці і лагістыкі работы медперсаналу. Чацвёртае - аптымізацыя работы хуткай дапамогі. Калі гаварыць аб Мінску, то гэта новыя мікрараёны", - адзначыў выконваючы абавязкі міністра аховы здароўя.

Галоўны ўрач гарадской станцыі хуткай медыцынскай дапамогі Аляксандр Жынко дадаў, што 110 гадоў - гэта не такі вялікі перыяд для хуткай дапамогі. "Але гэта значная дата. За апошнія 10-12 гадоў зроблены вельмі сур'ёзны крок наперад. За гэтыя гады мы поўнасцю пераабсталяваліся, памянялі парк аўтамабіляў, абсалютна ўсім укамплектаваліся. І сёння ў нас ёсць абсалютна ўсё для аказання хуткай медыцынскай дапамогі. Спадзяюся, што ў наступныя гады мы будзем таксама развівацца", - расказаў ён.

Паводле слоў галоўнага ўрача, колькасць выклікаў хуткай дапамогі ў год дасягае 640-650 тыс. Гэта лічба застаецца нязменнай у апошнія гады. "10-я падстанцыя была пабудавана 6 гадоў таму. У гэтым годзе абсалютна такая ж уступіла ў строй. За 6 гадоў - дзве новыя падстанцыі. Папярэдняя, для прыкладу, была пабудавана ў 1989 годзе", - дадаў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі