25 лютага, Мінск /Кар. БЕЛТА/. Для дэпутатаў важна спалучэнне мудрасці,
жыццёвага вопыту і наватарскіх ідэй. Такое меркаванне выказаў намеснік
прэм'ер-міністра Беларусі Ігар Петрышэнка, які прыняў удзел у выбарах
дэпутатаў на ўчастку для галасавання ў Палацы мастацкай гімнастыкі ў
Мінску, перадае карэспандэнт БЕЛТА.
"Сёння ўпершыню ў гісторыі
нашай краіны адзіны дзень галасавання. Мы выбіраем дэпутатаў і ў
мясцовыя Саветы, і ў вышэйшы заканадаўчы орган улады. На мой погляд, для
дэпутатаў важна разумнае спалучэнне мудрасці, жыццёвага вопыту і
наватарскіх ідэй, выкананне наказаў выбаршчыкаў, плаўная і эфектыўная
работа зыходзячы з таго, што неабходна на месцах. Дэпутаты павінны не
толькі своечасова сігналізаваць, дзе ёсць праблемы, але і разам
узгоднена прымаць рашэнні. Каб людзі потым сказалі: мы выбралі
дэпутатаў, якія выконваюць волю народа, і жыццё становіцца лепшым, больш
камфортным і надзейным", - сказаў Ігар Петрышэнка.
Ён адзначыў
актыўнасць моладзі ў галасаванні. "Наша моладзь пачула і ўсвядоміла, што
прыналежна да кіравання дзяржавай. І гэту прыналежнасць дэманструе іх
стаўленне да ўдзелу ў выбарах. Нехта, дасягнуўшы 18-гадовага ўзросту,
упершыню ў жыцці галасуе, нехта ўжо неаднаразава прымаў удзел у выбарах.
Для нас вельмі важна, што юнакі і дзяўчаты ідуць і актыўна галасуюць.
Яны бачаць, што ў іх руках будучыня нашай краіны", - падкрэсліў
віцэ-прэм'ер.-0-
Падпісвайцеся на нас у
