4 снежня, Мінск /Кар. БЕЛТА/. Прыёмы грамадзян даюць магчымасць даведацца, што непакоіць людзей, дапамагчы ім у вырашэнні праблемных пытанняў, выслухаць іх прапановы. Аб гэтым заявіў намеснік прэм'ер-міністра Ігар Петрышэнка па выніках прыёму грамадзян, перадае карэспандэнт БЕЛТА.
"Наша заканадаўства пастаянна ўдасканальваецца ў плане разгляду пісем, скаргаў і іншых зваротаў грамадзян. Кіраўнікі ўсіх рангаў праводзяць асабістыя прыёмы грамадзян, каб пачуць тыя пытанні, якія вырашаюцца не ў поўнай меры або недастаткова хутка. Прымаючы людзей у Мінску і рэгіёнах, мы бачым, што ўся вертыкаль улады ўнікае ў праблематыку і выконвае законныя пажаданні людзей, якія сапраўды маюць патрэбу ў дапамозе. Падкрэсліваю - законныя пажаданні. Таму што людзі могуць прыйсці і сказаць: хачу тое і тое, а гэта выходзіць за рамкі норм заканадаўства. Напрыклад, у сферы жылля, зямельных адносін грамадзяне могуць хацець аднаго, а заканадаўства рэгулюе гэтыя пытанні па-іншаму. Мы ўсе павінны дакладна выконваць нормы, якія дзейнічаюць у нашай дзяржаве", - сказаў Ігар Петрышэнка.
Паводле яго слоў, прыёмы праводзяцца перш за ўсё для абароны правоў і законных інтарэсаў грамадзян, вырашэння праблемных пытанняў. Такія сустрэчы даюць магчымасць даведацца, што непакоіць людзей, выслухаць іх прапановы. Гэта дапамагае і рабоце па ўдасканаленні заканадаўства. Многія пытанні вырашаюцца на мясцовым узроўні, у тым ліку па асфальтаванні дарог, у сферы грамадскага транспарту, аказання сацыяльных паслуг, медыцынскага забеспячэння.
Сёння на прыёме ў Ігара Петрышэнкі быў інвалід-калясачнік з Маладзечна. "Ён трапіў у ДТЗ у 1991 годзе і з таго часу знаходзіцца ў інваліднай калясцы. Мы абмеркавалі, у чым яму трэба дапамагчы, і ўзялі на кантроль. Праграму рэабілітацыі, прадпісаную яму ўрачамі, яшчэ раз прааналізуюць з улікам бягучага стану здароўя, унясуць у яе карэктывы. Ён праходзіць абследаванні ў мясцовай установе аховы здароўя, але мы дамовіліся, што і рэспубліканскі цэнтр, якія займаецца пытаннямі рэабілітацыі, таксама акажа садзейнічанне. Што датычыцца сацыяльнага забеспячэння (інвалідная каляска, адрасная сацыяльная дапамога), усё што належыць, выконваецца. У нашай краіне за апошнія гады ўдасканалілася безбар'ернае асяроддзе, пазітыўна змяніліся адносіны да асоб з абмежаванымі магчымасцямі", - зрабіў акцэнт віцэ-прэм'ер.
Ён таксама звярнуў увагу на тое, што псіхалагічны настрой вельмі важны, таму неабходна ўключаць інвалідаў у грамадскае жыццё. "Звернемся ў Мінпрацы, грамадскую арганізацыю інвалідаў, Паралімпійскі камітэт, каб яны аказалі садзейнічанне. Ён можа паўдзельнічаць у дзейнасці грамадскай арганізацыі, творча сябе праявіць, плюс ён спартсмен. Калі чалавек будзе ўключаны ў актыўную дзейнасць, гэта дапаможа яму справіцца з псіхалагічным надломам і глядзець толькі наперад. Інваліды-калясачнікі ў Беларусі працуюць, творча сябе рэалізуюць, грамадскія арганізацыі ім шмат у чым дапамагаюць. Усё гэта вельмі важна", - падкрэсліў Ігар Петрышэнка.
Часам грамадзяне звяртаюцца з пытаннямі, якія не адносяцца да сферы дзейнасці ўрада. Напрыклад, сёння на прыём грамадзян звярнуўся мужчына з Фаніпаля з просьбай аб аб'ектыўным расследаванні ДТЗ. Яго зварот будзе перададзены ў Генеральную пракуратуру.
"Пералік пытанняў, што абмяркоўваюцца на прыёмах грамадзян, даволі шырокі. Вялікае дасягненне нашай краіны дзякуючы Прэзідэнту ў тым, што ўлада ў нас сапраўды народная. Мы сустракаемся з людзьмі, унікаем у іх праблемы. Гэта работа будзе прадаўжацца. Неабходна быць уважлівымі да пажаданняў і спадзяванняў людзей. Бачым, што паток скаргаў і прапаноў зніжаецца. Усе пытанні ў асноўным вырашаюцца на месцах. Важна, што людзі адчуваюць, што іх чуюць і стараюцца ім дапамагчы", - рэзюмаваў Ігар Петрышэнка.-0-
Фота Сяргея Шэлега
"Наша заканадаўства пастаянна ўдасканальваецца ў плане разгляду пісем, скаргаў і іншых зваротаў грамадзян. Кіраўнікі ўсіх рангаў праводзяць асабістыя прыёмы грамадзян, каб пачуць тыя пытанні, якія вырашаюцца не ў поўнай меры або недастаткова хутка. Прымаючы людзей у Мінску і рэгіёнах, мы бачым, што ўся вертыкаль улады ўнікае ў праблематыку і выконвае законныя пажаданні людзей, якія сапраўды маюць патрэбу ў дапамозе. Падкрэсліваю - законныя пажаданні. Таму што людзі могуць прыйсці і сказаць: хачу тое і тое, а гэта выходзіць за рамкі норм заканадаўства. Напрыклад, у сферы жылля, зямельных адносін грамадзяне могуць хацець аднаго, а заканадаўства рэгулюе гэтыя пытанні па-іншаму. Мы ўсе павінны дакладна выконваць нормы, якія дзейнічаюць у нашай дзяржаве", - сказаў Ігар Петрышэнка.
Паводле яго слоў, прыёмы праводзяцца перш за ўсё для абароны правоў і законных інтарэсаў грамадзян, вырашэння праблемных пытанняў. Такія сустрэчы даюць магчымасць даведацца, што непакоіць людзей, выслухаць іх прапановы. Гэта дапамагае і рабоце па ўдасканаленні заканадаўства. Многія пытанні вырашаюцца на мясцовым узроўні, у тым ліку па асфальтаванні дарог, у сферы грамадскага транспарту, аказання сацыяльных паслуг, медыцынскага забеспячэння.Сёння на прыёме ў Ігара Петрышэнкі быў інвалід-калясачнік з Маладзечна. "Ён трапіў у ДТЗ у 1991 годзе і з таго часу знаходзіцца ў інваліднай калясцы. Мы абмеркавалі, у чым яму трэба дапамагчы, і ўзялі на кантроль. Праграму рэабілітацыі, прадпісаную яму ўрачамі, яшчэ раз прааналізуюць з улікам бягучага стану здароўя, унясуць у яе карэктывы. Ён праходзіць абследаванні ў мясцовай установе аховы здароўя, але мы дамовіліся, што і рэспубліканскі цэнтр, якія займаецца пытаннямі рэабілітацыі, таксама акажа садзейнічанне. Што датычыцца сацыяльнага забеспячэння (інвалідная каляска, адрасная сацыяльная дапамога), усё што належыць, выконваецца. У нашай краіне за апошнія гады ўдасканалілася безбар'ернае асяроддзе, пазітыўна змяніліся адносіны да асоб з абмежаванымі магчымасцямі", - зрабіў акцэнт віцэ-прэм'ер.
Ён таксама звярнуў увагу на тое, што псіхалагічны настрой вельмі важны, таму неабходна ўключаць інвалідаў у грамадскае жыццё. "Звернемся ў Мінпрацы, грамадскую арганізацыю інвалідаў, Паралімпійскі камітэт, каб яны аказалі садзейнічанне. Ён можа паўдзельнічаць у дзейнасці грамадскай арганізацыі, творча сябе праявіць, плюс ён спартсмен. Калі чалавек будзе ўключаны ў актыўную дзейнасць, гэта дапаможа яму справіцца з псіхалагічным надломам і глядзець толькі наперад. Інваліды-калясачнікі ў Беларусі працуюць, творча сябе рэалізуюць, грамадскія арганізацыі ім шмат у чым дапамагаюць. Усё гэта вельмі важна", - падкрэсліў Ігар Петрышэнка.Часам грамадзяне звяртаюцца з пытаннямі, якія не адносяцца да сферы дзейнасці ўрада. Напрыклад, сёння на прыём грамадзян звярнуўся мужчына з Фаніпаля з просьбай аб аб'ектыўным расследаванні ДТЗ. Яго зварот будзе перададзены ў Генеральную пракуратуру.
"Пералік пытанняў, што абмяркоўваюцца на прыёмах грамадзян, даволі шырокі. Вялікае дасягненне нашай краіны дзякуючы Прэзідэнту ў тым, што ўлада ў нас сапраўды народная. Мы сустракаемся з людзьмі, унікаем у іх праблемы. Гэта работа будзе прадаўжацца. Неабходна быць уважлівымі да пажаданняў і спадзяванняў людзей. Бачым, што паток скаргаў і прапаноў зніжаецца. Усе пытанні ў асноўным вырашаюцца на месцах. Важна, што людзі адчуваюць, што іх чуюць і стараюцца ім дапамагчы", - рэзюмаваў Ігар Петрышэнка.-0-
Фота Сяргея Шэлега
Падпісвайцеся на нас у
