ДЗЯРЖОРГАНЫДЗЯРЖОРГАНЫ
Пятніца, 23 кастрычніка 2020
Мінск Пераменная воблачнасць +11°C
Усе навіны
Усе навіны
Грамадства
16 кастрычніка 2020, 17:58

Першы этап рэпетыцыйнага тэсціравання ў online-рэжыме стартуе 23 кастрычніка на сайце РІКВ

Фота з архіва
Фота з архіва

16 кастрычніка, Мінск /Кар. БЕЛТА/. Першы этап рэпетыцыйнага тэсціравання 2020/2021 навучальнага года ў рэжыме online стартуе 23 кастрычніка на сайце Рэспубліканскага інстытута кантролю ведаў, паведаміў карэспандэнту БЕЛТА дырэктар РІКВ Юрый Міксюк.

1 кастрычніка ў Беларусі стартаваў першы этап РТ 2020/2021. У гэтым годзе яго можна прайсці непасрэдна ў пункце тэсціравання або online. Дыстанцыйны фармат РТ стане даступным 23 кастрычніка на сайце РІКВ.

Рэпетыцыйнае тэсціраванне праводзіцца ў тры этапы: першы адбудзецца ў кастрычніку-снежні, другі - у студзені-лютым 2021 года, трэці - у сакавіку-красавіку 2021-га. Пералiк устаноў адукацыi, на базе якіх можна прайсці іспыт, размешчаны на сайце РІКВ. Пры гэтым кожны пункт правядзення тэсціравання вызначае свой графік правядзення і колькасць удзельнікаў РТ па вучэбных прадметах.

"Рэпетыцыйнае тэсціраванне ў рэжыме online будзе праходзіць адначасова з традыцыйнай формай іспытаў. Пры гэтым варыянты педагагічных тэстаў па вучэбных прадметах, якія будуць прадстаўлены пры правядзенні гэтых двух відаў рэпетыцыйнага тэсціравання, розныя", - расказаў Юрый Міксюк.

Паводле яго слоў, РТ - добрая магчымасць палепшыць свае веды па тых ці іншых прадметах. "Рэпетыцыйнае тэсціраванне дае магчымасць паўнацэнна падрыхтавацца, азнаёміцца ​​з тэхналогіяй тэсціравання, з канструкцыяй тэстаў. Самае галоўнае, што РТ дазваляе праверыць веды, папоўніць і сістэматызаваць іх, устараніць выяўленыя прабелы. Праз нейкі час абітурыенты ўдзельнічаюць у другім, трэцім этапе. Яны бачаць, як змяняецца рэзультат. Гэта добры інструмент для самакантролю і падрыхтоўкі да ЦТ", - адзначыў дырэктар РІКВ.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі