23 чэрвеня, Мінск /Кар. БЕЛТА/. Першы дзень здачы цэнтралізаванага тэсціравання па матэматыцы прайшоў без парушэнняў, паведаміў карэспандэнту БЕЛТА дырэктар Рэспубліканскага інстытута кантролю ведаў Юрый Міксюк.
Здаваць гэты прадмет планавалі каля 32,2 тыс. абітурыентаў. "У першы дзень здачы на ЦТ па матэматыцы не з'явіліся 1072 чалавекі. Выдаленых няма. Не прайшоў па медыцынскiх паказаннях адзін чалавек", - расказаў Юрый Міксюк.
Другі дзень здачы ЦТ па матэматыцы пройдзе 24 чэрвеня. Традыцыйна іспыт пачнецца ў 11.00.
Наступнае ЦТ (па біялогіі) адбудзецца 26 чэрвеня, па замежнай мове можна будзе здаць ЦТ 28 чэрвеня, хіміі - 30 чэрвеня, фізіцы - 2 ліпеня, гісторыі Беларусі - 4 ліпеня, геаграфіі - 6 ліпеня, сусветнай гісторыі (Навейшы час) - 8 ліпеня.
Даты рэзервовых дзён - 14 і 16 ліпеня (беларуская і руская мовы), 14 і 18 ліпеня (грамадазнаўства, матэматыка, біялогія, замежная мова, хімія, фізіка, гісторыя Беларусі, геаграфія, сусветная гісторыя (Навейшы час). Тэрміны рэгістрацыі абітурыентаў для праходжання ЦТ у рэзервовыя дні - з 2 па 9 ліпеня.
Усяго на цэнтралізаванае тэсціраванне ў Беларусі зарэгістраваліся больш за 62 тыс. абітурыентаў.-0-
