Дзмітрый Піневіч
Навіны сюжэта
"Каранавірус: апошнія навіны"
15 сакавіка, Мінск /Кар. БЕЛТА/. Першы доследна-прамысловы ўзор беларускай вакцыны ад COVID-19 плануюць атрымаць у красавіку, паведаміў журналістам міністр аховы здароўя Дзмітрый Піневіч перад падагульняючай калегіяй Міністэрства аховы здароўя, перадае карэспандэнт БЕЛТА.
"Што датычыцца айчыннай вакцыны, мы ў красавіку павінны атрымаць першы доследна-прамысловы ўзор, які пойдзе на даклінічныя і клінічныя выпрабаванні, каб вакцына была зарэгістравана да канца гэтага года", - сказаў Дзмітрый Піневіч.
Праект па арганізацыі вытворчасці айчыннай вакцыны супраць COVID-19 рэалізуецца на плошчах ААТ "БелВітуніфарм". Распрацоўка айчыннай вакцыны вядзецца падведамнымі Міністэрству аховы здароўя і Нацыянальнай акадэміі навук арганізацыямі.-0-
