19 кастрычніка, Мінск /Кар. БЕЛТА/. Пераможцы выставачных мерапрыемстваў, якія праходзілі летам на Кургане Славы і прысвячаліся Году гістарычнай памяці, атрымалі свае ўзнагароды. Дыпломы ўручыў намеснік старшыні Мінаблвыканкама Іван Маркевіч, паведамілі БЕЛТА ў прэс-службе Мінаблвыканкама.
"У выстаўках прынялі ўдзел усе рэгіёны, камітэты аблвыканкама, нашы прадпрыемствы, установы. Мы рабілі добрую справу. Людзям было цікава", - адзначыў Іван Маркевіч.
Намеснік старшыні аблвыканкама нагадаў, што выставачныя кампазіцыі праходзілі з 21 мая па 28 жніўня. У выхадныя гэтыя выстаўкі наведвалі ад 3,5 тыс. да 5 тыс. грамадзян. "Гэта сведчыць аб інтарэсе нашых грамадзян, а не толькі гасцей", - заўважыў ён.
У прэс-службе Мінаблвыканкама расказалі, хто ўразіў журы і ўдзельнікаў анлайн-галасавання. Дыплома ІІІ ступені ўдастоены Маладзечанскі і Салігорскі раёны. Дыплома ІІ ступені - Мінскае абласное аб'яднанне прафсаюзаў ФПБ, Клецкі і Капыльскі раёны. Пераможцамі прызнаны УУС, галоўныя ўпраўленні па адукацыі і культуры аблвыканкама. Лідарам анлайн-галасавання стаў камітэт па сельскай гаспадарцы і харчаванні аблвыканкама. Дыпломам за асаблівы ўклад у арганізацыю выставачных мерапрыемстваў на Кургане Славы адзначана КУП "Мінаблкінавідэапракат".
Дыпламантаў чакаюць таксама экскурсіі ў Палац Незалежнасці і Нясвіжскі замак.-0-
