ДЗЯРЖОРГАНЫДЗЯРЖОРГАНЫ
Флаг Нядзеля, 2 кастрычніка 2022
Мінск +8°C
Усе навіны
Усе навіны
Грамадства
23 чэрвеня 2022, 19:37

Пераможцаў рэспубліканскай спартакіяды школьнікаў узнагародзілі ў Оршы

Андрэй Іванец. Фота прэс-службы Міністэрства адукацыі
Андрэй Іванец. Фота прэс-службы Міністэрства адукацыі

23 чэрвеня, Мінск /Кар. БЕЛТА/. Пераможцаў адкрытай Рэспубліканскай спартакіяды школьнікаў - 2022 узнагародзілі ў Оршы, перадае карэспандэнт БЕЛТА.

У мерапрыемстве прынялі ўдзел міністр адукацыі Андрэй Іванец, намеснік міністра спорту і турызму Алег Андрэйчык, алімпійскія чэмпіёны.

"Рэспубліканская спартакіяда з'яўляецца ў многім працягам тых слаўных традыцый, якія былі закладзены яшчэ ў савецкі час. У 2006 годзе Міністэрства адукацыі сумесна з Міністэрствам спорту і турызму фактычна адрадзіла гэты рух. Сёння на папярэдніх этапах у розных спаборніцтвах прынялі ўдзел больш за 150 тыс. школьнікаў. Гэта вялікая лічба. Мы імкнёмся яе развіваць", - адзначыў Андрэй Іванец.

Паводле слоў міністра, вельмі важна, каб школьнікі сёння займаліся фізічнай культурай. "Потым гэта перарастае ў любоў да спорту, нехта стане і чэмпіёнам. Фінал спаборніцтваў праводзяць у розных гарадах. У гэтым годзе мы запрасілі нашых расійскіх сяброў, спартакіяда набыла міжнародны статус. Мы будзем прадаўжаць гэтыя традыцыі, таму што ў здаровым целе здаровы дух", - падкрэсліў ён.

Рэспубліканская спартакіяда школьнікаў прайшла з 13 па 23 чэрвеня. Спаборніцтвы праходзілі ў Віцебску, Полацку, Наваполацку, Оршы і Брэсце.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі