4 ліпеня, Масква /Эдуард Півавар - БЕЛТА/. Пасол Беларусі ў Расіі Уладзімір Сямашка наведвае з рабочым візітам Екацярынбург, дзе прымае ўдзел у мерапрыемствах XII Міжнароднай прамысловай выстаўкі "Інапрам", паведамілі БЕЛТА ў прэс-службе дыппрадстаўніцтва.
"Праграмай візіту таксама прадугледжваецца агляд Нацыянальнага стэнда Рэспублікі Беларусь, наведванне АТ "Група "СВЭЛ", правядзенне перагавораў з генеральным дырэктарам ПАТ "КАМАЗ" Сяргеем Кагогіным, губернатарам Свярдлоўскай вобласці Яўгенам Куйвашавым, губернатарам Пермскага края Дзмітрыем Махоніным, рэгіянальным прадстаўніком АТ "РУСАЛ - УРАЛ" у Свярдлоўскай вобласці Данілам Трубінавым і іншымі ўдзельнікамі выстаўкі", - адзначылі ў прэс-службе.
Чакаецца ўрачыстае адкрыццё офіса ганаровага консула Рэспублікі Беларусь у Екацярынбургу, дадалі ў пасольстве.-0-
