26 ліпеня, Мінск /Кар. БЕЛТА/. У Міністэрстве жыллёва-камунальнай гаспадаркі з 23 па 26 ліпеня працавала гарачая лінія па пытаннях ліквідацыі наступстваў урагану. У ведамстве падвялі вынікі яе работы, паведамляе карэспандэнт БЕЛТА.
На гарачую лінію прымаліся паведамленні па пытаннях аднаўлення дахавага пакрыцця, канструкцыйных элементаў жылых дамоў, аднаўлення водазабеспячэння, уборкі паваленых дрэў у населеных пунктах.
Як расказаў намеснік міністра жыллёва-камунальнай гаспадаркі Андрэй Рамашка, усяго на гарачую лінію паступіла 98 званкоў. Большасць зваротаў (53) датычыліся праблемы паваленых дрэў на тэрыторыі населеных пунктаў і могілак. Другое месца па колькасці званкоў (26) займалі пытанні рамонту пашкоджаных дахаў - як у жыллёвым фондзе, які абслугоўвае ЖКГ (6), так і ў прыватным сектары (19).
Большая частка званкоў паступіла з Гомельскай вобласці як з найбольш пацярпелай ад урагану (43). Першае месца па колькасці зваротаў займаюць паваленыя дрэвы (22), на другім месцы (14) рамонт дахаў.
"Усе атрыманыя званкі праходзілі апрацоўку і затым адпраўляліся ў аблвыканкамы для далейшага прыняцця рашэнняў. У многіх сітуацыях патрабуюцца скаардынаваныя дзеянні не толькі службаў ЖКГ, але і сацыяльных службаў. Таму мясцовыя выканаўчыя і распарадчыя органы ўлады на месцах, зыходзячы з сіл і сродкаў, у далейшым выбудоўваюць храналогію вырашэння гэтых задач. Сітуацыю па кожным званку мы трымаем на кантролі, зваротная сувязь ёсць. Нас інфармуюць, калі і што запланавана, што будзе зроблена", - расказаў Андрэй Рамашка.
У бліжэйшы час плануецца аналіз вынікаў работы і прыняцце адпаведных рашэнняў па прадаўжэнні работы гарачай лініі. "Кожны грамадзянін Рэспублікі Беларусь, знаходзячыся на тэрыторыі краіны і за яе межамі, можа патэлефанаваць на гэту лінію. У першую чаргу мы працуем па тых праблемах, якія грамадзяне сёння абазначаюць менавіта па ўтрыманні населеных пунктаў, рамонце жылых дамоў і ўсім, што непасрэдна звязана з ЖКГ", - рэзюмаваў намеснік міністра.-0-
На гарачую лінію прымаліся паведамленні па пытаннях аднаўлення дахавага пакрыцця, канструкцыйных элементаў жылых дамоў, аднаўлення водазабеспячэння, уборкі паваленых дрэў у населеных пунктах.
Як расказаў намеснік міністра жыллёва-камунальнай гаспадаркі Андрэй Рамашка, усяго на гарачую лінію паступіла 98 званкоў. Большасць зваротаў (53) датычыліся праблемы паваленых дрэў на тэрыторыі населеных пунктаў і могілак. Другое месца па колькасці званкоў (26) займалі пытанні рамонту пашкоджаных дахаў - як у жыллёвым фондзе, які абслугоўвае ЖКГ (6), так і ў прыватным сектары (19).
Большая частка званкоў паступіла з Гомельскай вобласці як з найбольш пацярпелай ад урагану (43). Першае месца па колькасці зваротаў займаюць паваленыя дрэвы (22), на другім месцы (14) рамонт дахаў.
"Усе атрыманыя званкі праходзілі апрацоўку і затым адпраўляліся ў аблвыканкамы для далейшага прыняцця рашэнняў. У многіх сітуацыях патрабуюцца скаардынаваныя дзеянні не толькі службаў ЖКГ, але і сацыяльных службаў. Таму мясцовыя выканаўчыя і распарадчыя органы ўлады на месцах, зыходзячы з сіл і сродкаў, у далейшым выбудоўваюць храналогію вырашэння гэтых задач. Сітуацыю па кожным званку мы трымаем на кантролі, зваротная сувязь ёсць. Нас інфармуюць, калі і што запланавана, што будзе зроблена", - расказаў Андрэй Рамашка.
У бліжэйшы час плануецца аналіз вынікаў работы і прыняцце адпаведных рашэнняў па прадаўжэнні работы гарачай лініі. "Кожны грамадзянін Рэспублікі Беларусь, знаходзячыся на тэрыторыі краіны і за яе межамі, можа патэлефанаваць на гэту лінію. У першую чаргу мы працуем па тых праблемах, якія грамадзяне сёння абазначаюць менавіта па ўтрыманні населеных пунктаў, рамонце жылых дамоў і ўсім, што непасрэдна звязана з ЖКГ", - рэзюмаваў намеснік міністра.-0-
Падпісвайцеся на нас у
