Патрыярх Маскоўскі і ўсяе Русі Кірыл
6 чэрвеня, Мінск /Кар. БЕЛТА/. За апошні час у Беларусі адбыліся велізарныя пазітыўныя перамены. Аб гэтым заявіў Патрыярх Маскоўскі і ўсяе Русі Кірыл 6 чэрвеня на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
У першую чаргу прадстаяцель РПЦ падзякаваў кіраўніку беларускай дзяржавы за тое, што адбываецца ў Беларусі - краіне, як ён адзначыў, блізкай яго сэрцу. Патрыярх Кірыл падкрэсліў, што ён, калі быў у Смаленску мітрапалітам, у свой час часта праязджаў праз Беларусь, бываў у нашай краіне, таму можа параўнаць, якія велізарныя перамены адбыліся за гэты час.
"Велізарныя перамены ў жыцці краіны, і не толькі эканамічныя, не толькі ў дабрабыце народа, але і агульная атмасфера, - сказаў ён. - І ўсё гэта пры вашым кіраўніцтве. І, я думаю, многія рэчы былі вынікам вашага такога творчага ўяўлення - якой павінна быць краіна, народ. Усё гэта сапраўды рэалізуецца на карысць Беларусі".
Патрыярх Кірыл падкрэсліў асабліва добрыя братэрскія адносіны паміж народамі Беларусі і Расіі. "Патрыярх з'яўляецца Патрыярхам усяе Русі, у тым ліку Беларусі. І для мяне гэты фактар - сапраўднай дружбы, узаемадапамогі - з'яўляецца вельмі важным паказчыкам таго, што складваецца ў міждзяржаўных адносінах. Таму хацеў бы асабіста вам падзякаваць, у вашай асобе выказаць удзячнасць усяму беларускаму народу", - сказаў прадстаяцель РПЦ, звяртаючыся да Аляксандра Лукашэнкі.-0-
Падпісвайцеся на нас у
