ДЗЯРЖОРГАНЫДЗЯРЖОРГАНЫ
Пятніца, 26 лютага 2021
Мінск Суцэльная воблачнасць +5°C
Усе навіны
Усе навіны
Грамадства
22 студзеня 2021, 14:32

Пасольства Беларусі ў Токіа прэзентавала фотаэкспазіцыю, прысвечаную дыпламату Абрасімаву

Фота пасольства Беларусі ў Японіі
Фота пасольства Беларусі ў Японіі

рысвечаную дыпламату Абрасімаву

22 студзеня, Мінск /Кар. БЕЛТА/. Пасольства Беларусі ў Токіа пры садзейнічанні расійскай дыпламатычнай місіі прэзентавала фотаэкспазіцыю, прысвечаную ўраджэнцу нашай краіны, савецкаму дыпламату і палітычнаму дзеячу Пятру Андрэевічу Абрасімаву (1912-2009). Аб гэтым карэспандэнту БЕЛТА паведамілі ў пасольстве Беларусі ў Японіі.

Мерапрыемства было прымеркавана да прафесійнага свята беларускай дыпламатыі - Дня дыпламатычнага работніка. Яно прайшло з удзелам Надзвычайнага і Паўнамоцнага Пасла Беларусі ў Японіі Руслана Есіна. Пасол Расійскай Федэрацыі ў Японіі Міхаіл Галузін таксама ўдзельнічаў у цырымоніі адкрыцця фотаэкспазіцыі і павіншаваў супрацоўнікаў пасольства і ўсіх беларускіх дыпламатаў з прафесійным святам.

Як расказалі ў дыпмісіі, у Пятра Абрасімава - багатая біяграфія. "У ёй - непасрэдны ўдзел у баявых дзеяннях, два цяжкія раненні. Пётр Абрасімаў працаваў у Цэнтральным штабе партызанскага руху, удзельнічаў у распрацоўцы шэрага паспяховых партызанскіх аперацый, некалькі разоў закідваўся ў тыл нямецкіх войскаў, дзе дзейнічалі беларускія партызаны. Пасля заканчэння Вялікай Айчыннай вайны Пётр Абрасімаў становіцца пастаянным прадстаўніком Беларускай ССР пры Савеце Міністраў СССР, потым першым намеснікам старшыні Савета Міністраў Беларускай ССР і сакратаром ЦК КПБ, першым старшынёй Дзяржаўнага камітэта СССР па замежным турызме. Узнагароджаны чатырма ордэнамі Леніна, ордэнамі Кастрычніцкай Рэвалюцыі, Чырвонага Сцяга, Працоўнага Чырвонага Сцяга, ордэнамі замежных дзяржаў", - адзначылі ў пасольстве Беларусі.

У 1950-я Пётр Абрасімаў пачаў працаваць на дыпламатычнай службе, спачатку ў Кітаі, а ў 1957-1961 гадах - паслом СССР у Польшчы. Двойчы быў савецкім паслом у ГДР, назначаўся паслом у Францыі.

У сярэдзіне 1980-х гадоў Пётр Абрасімаў узначаліў савецкае пасольства ў Японіі. Важнай падзеяй для развіцця беларуска-японскай дружбы стала правядзенне ў перыяд яго дыпламатычнай місіі першых Дзён беларускай культуры ў Японіі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі