07 мая 2025, 11:17

Пасол В'етнама: Вялікая Перамога стварыла яскравы помнік гераізму і непераможнасці

Нгуен Ван Нгы. Фота з архіва

7 мая, Мінск /Кар. БЕЛТА/. Вялікая Перамога ў Вялікай Айчыннай вайне стварыла яскравы помнік гераізму і непераможнасці беларускага народа. Такі пункт гледжання выказаў карэспандэнту БЕЛТА Надзвычайны і Паўнамоцны Пасол Сацыялістычнай Рэспублікі В'етнам у Рэспубліцы Беларусь Нгуен Ван Нгы, які напярэдадні ў якасці госця прыняў удзел ва ўрачыстым сходзе і канцэрце майстроў мастацтваў, прысвечанымх 80-й гадавіне Перамогі савецкага народа ў Вялікай Айчыннай вайне.

"У бягучым годзе Беларусь адзначае 80-годдзе Перамогі ў Вялікай Айчыннай вайне, а В'етнам святкуе 50-годдзе Перамогі, - адзначыў дыпламат. - Дзень Перамогі ў Вялікай Айчыннай вайне 9 мая 1945 года савецкага, у тым ліку беларускага народа, - вялікая падзея глыбокага гістарычнага значэння, аналагічная Дню вызвалення Поўдня і нацыянальнага ўз'яднання в'етнамскага народа 30 красавіка 1975 года. У бягучым годзе свята 50-годдзя Перамогі было ўрачыста адзначана ў Хашыміне з удзелам многіх міжнародных дэлегацый, у тым ліку дэлегацыі Нацыянальнага сходу Рэспублікі Беларусь на чале з намеснікам старшыні Палаты прадстаўнікоў Вадзімам Іпатавым".
Пасол прадоўжыў: "Гэтыя дні Перамогі нашых двух народаў назаўсёды ўвайшлі ў гісторыю як перамогі ўсіх народаў, выступаючых за мір, свабоду і сравядлівасць, сталі падставай аддаць належнае тым, хто змагаўся і ахвяраваў жыццё дзеля абароны Айчыны".

"Вялікая Перамога савецкага народа ў Вялікай Айчыннай вайне ў 1945 годзе стварыла яскравы помнік гераізму і непераможнасці", - лічыць Нгуен Ван Нгы.

Пасол падкрэсліў важнасць таго, што ў Беларусі на дзяржаўным узроўні захоўваюць гістарычную памяць аб падзеях Другой сусветнай вайны.-0-

Падпісвайцеся на нас у