Се Сяаюн
5 верасня, Мінск /Кар. БЕЛТА/. Перыяд работы ў Беларусі стане цудоўным і незабыўным успамінам у жыцці Надзвычайнага і Паўнамоцнага Пасла Кітайскай Народнай Рэспублікі ў Рэспубліцы Беларусь Се Сяаюна. Такі пункт гледжання ён выказаў у інтэрв'ю карэспандэнту БЕЛТА у сувязі з завяршэннем сваёй дыпламатычнай місіі ў нашай краіне.
"За чатыры гады я пабываў у многіх мясцінах Беларусі, у поўнай меры любаваўся яе шматвяковай гісторыяй, талерантнай культурай і надзвычайными краявідамі, пазнаёміўся з многімі сябрамі, асабіста ўдзельнічаў і быў сведкам дасягненняў кітайска-беларускіх адносін і супрацоўніцтва ў розных галінах, а таксама глыбока адчуў велізарны патэнцыял бесперапыннага развіцця ўсепагоднага і ўсебаковага стратэгічнага партнёрства паміж Кітаем і Беларуссю", - адзначыў кіраўнік дыпламатычнай місіі.
"Што датычыцца беларускіх сувеніраў, адкрыю вам сакрэт. Я купіў шмат беларускіх сувеніраў, у тым ліку карціну з зубрам, нацюрморт з васількамі, паштоўку з выявай белага бусла", - расказаў Се Сяаюн.
Ён таксама падзяліўся: "Вядома, мой фаварыт - гэта льняныя вырабы. Ільняныя вырабы як традыцыйны нацыянальны сувенір з Беларусі любімы многімі кітайскімі турыстамі за просты і вытанчаны фасон і выдатную якасць".
Пасол растлумачыў, што яму асабліва падабаюцца льняныя вырабы ў якасці беларускіх сувеніраў па некалькіх прычынах.
"Па-першае, лён як аблюбаваны матэрыял для вырабу адзення беларускага народа са старажытных часоў у пэўнай ступені сімвалізуе рысы характару беларусаў: працавітасць, стойкасць і душэўную чысціню, - адзначыў Се Сяаюн. - Па-другое, кожны раз, калі я бачу льняныя вырабы , я міжвольна ўспамінаю цудоўныя вобразы бязмежных палёў Беларусі і асабліва зялёных палёў лёну. Па-трэцяе, беларускія льняныя вырабы па-ранейшаму з'яўляюцца прадуктам дружалюбнага супрацоўніцтва паміж Кітаем і Беларуссю".
Дыпламат звярнуў увагу, што буйнейшы льнокамбінат у краіне - Аршанскі льнокамбінат завяршыў мадэрнізацыю з выкарыстаннем абсталявання, тэхналогій і фінансавання Харбінскай ільняной фабрыкі Кітая, стаўшы буйнейшым у свеце прадпрыемствам па вытворчасці льнянога тэкстылю.
"А 50 гадоў таму менавіта Аршанскі льнокамбінат садзейнічаў будаўніцтву першай і буйнейшай у Кітаі Харбінскай ільняной фабрыкі. Гэты прыклад узаемнага абучэння і ўзаемадапамогі выдатна ілюструе, што дружба і братэрства даражэйшыя за ўсякае багацце", - сказаў Се Сяаюн.
Пасол рэзюмаваў: "Можна сказаць, што льняныя вырабы не толькі дэманструюць культурныя асаблівасці Беларусі, але і адлюстроўваюць дружалюбныя абмены і супрацоўніцтва паміж Кітаем і Беларуссю, што мае для мяне важнае памятнае значэнне".-0-
Падпісвайцеся на нас у
