Сцяг Аўторак, 19 сакавіка 2024
Усе навіны
Усе навіны
Грамадства
05 снежня 2022, 09:19

Пасол: адносіны паміж Тэгеранам і Мінскам сёння на піку развіцця

5 снежня, Мінск /Кар. БЕЛТА/. Адносіны паміж Тэгеранам і Мінскам сёння на піку развіцця, заявіў у эфіры тэлеканала АНТ Надзвычайны і Паўнамоцны Пасол Ісламскай Рэспублікі Іран у Рэспубліцы Беларусь Саід Яры, паведамляе БЕЛТА.

Пасол нагадаў: Іран больш за 40 гадоў знаходзіцца пад санкцыямі. "Калектыўны Захад выкарыстоўвае санкцыі як інструмент разбурэння эканомікі. І гэта вельмі грубае парушэнне міжнародных норм", - сказаў Саід Яры.

Паводе яго слоў, санкцыі - сур'ёзнае выпрабаванне для краіны і народа. "Але менавіта ў гэты перыяд мы сталі намнога мацнейшыя, змаглі дасягнуць выдатных вынікаў у ядзернай энергетыцы, нанатэхналогіях, вывучэнні стваловых клетак і нават космасу", - адзначыў пасол.

"Наконт Ірана і Беларусі хачу сказаць, што мы павінны падтрымліваць адзін аднаго і разам змагацца супраць несправядлівых санкцый. Нядаўні візіт вашага прэм'ер-міністра ў Іран, а раней візіт міністра замежных спраў пацвярджаюць, што адносіны паміж Тэгеранам і Мінскам сёння на піку развіцця", - падкрэсліў Саід Яры.-0-

Падпісвайцеся на нас у
Twitter
Топ-навіны
Свежыя навіны Беларусі