4 чэрвеня, Нясвіж /Кар. БЕЛТА/. Пасяджэнне Еўразійскага міжурадавага савета ў вузкім складзе з удзелам прэм'ер-міністра Беларусі Рамана Галоўчанкі прайшло 3 чэрвеня ў Нясвіжы, перадае карэспандэнт БЕЛТА.
"Прашу паважаных калег удзяляць больш увагі субстантыўным пытанням развіцця Еўразійскага эканамічнага саюза, рэалізацыі сутнасных эканамічных скразных праектаў. Упэўнены, што толькі сумеснымі намаганнямі мы зможам забяспечыць далейшы якасны рост еўразійскай інтэграцыі ў інтарэсах нашых дзяржаў", - сказаў Раман Галоўчанка.
На пасяджэнні Еўразійскага міжурадавага савета разгледзелі гадавую справаздачу ЕЭК аб стане канкурэнцыі на трансгранічных рынках і мерах, якія прымаюцца па спыненні парушэнняў агульных правіл канкурэнцыі на іх, за 2023 год. Таксама абмеркавана тэма стварэння і развіцця транспартнай інфраструктуры на тэрыторыях дзяржаў - членаў Еўразійскага эканамічнага саюза ў напрамках Усход - Захад і Поўнач - Поўдзень, у тым ліку ў рамках спалучэння з кітайскай ініцыятывай "Адзін пояс - адзін шлях". Сярод іншых тэм - ход рэалізацыі плана першачарговых мерапрыемстваў па лічбавізацыі грузавых чыгуначных перавозак у ЕАЭС і мерапрыемстваў, прадугледжаных раздзелам "Лічбавізацыя транспартных калідораў" плана (дарожнай карты) па развіцці гандлёва-эканамічнага супрацоўніцтва паміж ЕАЭС і Кітаем ад 16 лютага 2023 года.
4 ліпеня пройдзе пасяджэнне Еўразійскага міжурадавага савета ў пашыраным складзе. Па выніках пасяджэння запланавана падпісанне дакументаў аб супрацоўніцтве.
Як паведамлялася, 3 чэрвеня на пляцоўцы Кітайска-беларускага індустрыяльнага парка "Вялікі камень" прайшла пленарная сесія "Харчовая бяспека Еўразійскага эканамічнага саюза" з удзелам кіраўнікоў урадаў краін ЕАЭС. Яны таксама наведалі міжнародную спецыялізаваную выстаўку "Белагра-2024".-0-
Фота Віталя Піваварчыка і Раміля Насібуліна
Падпісвайцеся на нас у
