11 верасня, Мінск /Кар. БЕЛТА/. Пашпарты гатоўнасці да ацяпляльнага сезона ўжо атрымалі 68,3 працэнта спажыўцоў цеплавой энергіі, паведамілі БЕЛТА ў прэс-службе Міністэрства энергетыкі Беларусі.
Органы Дзяржэнерганагляду зарэгістравалі 19 697 пашпартоў гатоўнасці спажыўцоў (68,3 працэнта) і 9 130 пашпартоў гатоўнасці цеплакрыніц (66,3 працэнта). Пры гэтым 100 працэнтаў пашпартоў гатоўнасці да ацяпляльнага сезона ўжо выдадзены ў Гомельскай вобласці.
Для падрыхтоўкі да ўстойлівай работы ў асенне-зімовы перыяд 2019/2020 года Дзяржэнерганагляд праводзіць абследаванні электра- і (або) цеплаўстановак, цеплакрыніц і спажыўцоў цеплавой энергіі. Паводле аператыўнай інфармацыі, інспектары Дзяржэнерганагляду ўжо прынялі ўдзел у рабоце 31253 спецыяльных камісій, праведзена 5 824 абследаванні па ацэнцы гатоўнасці спажыўцоў і цеплакрыніц да работы ў асенне-зімовы перыяд.
У цэлым па краіне да 1 кастрычніка трэба аформіць пашпарты гатоўнасці 28 857 спажыўцоў цеплавой энергіі і 13 767 ведамасных цеплакрыніц.-0-
