1 чэрвеня, Мінск /Кар. БЕЛТА/. Парывісты вецер і да плюс 26 градусаў чакаецца ў Беларусі 2 чэрвеня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе воблачна з праясненнямі. Уначы пераважна па паўночнай палове, удзень месцамі, а па паўднёвым усходзе на большай частцы тэрыторыі пройдуць кароткачасовыя дажджы. Удзень па паўднёвым усходзе ў асобных раёнах чакаюцца навальніцы. Вецер уначы пераменных напрамкаў 3-8 м/с. Удзень вецер паўночны 5-10 м/с, парывы ўзмоцняцца да 14 м/с, а месцамі дасягнуць 15-18 м/с.
Тэмпература паветра ўначы складзе плюс 6-12 градусаў, а ўдзень будзе вагацца ад плюс 10 градусаў на поўначы да плюс 26 градусаў на паўднёвым усходзе.-0-
