20 чэрвеня, Мінск /Кар. БЕЛТА/. Беларускае тэлеграфнае агенцтва і Беларускі саюз жанчын 21 чэрвеня ў ГЦ "Першы нацыянальны гандлёвы дом" прэзентуюць сумесную фотавыставу "Жанчына. Вайна. Перамога", паведамляе БЕЛТА.
Выстава прымеркавана да Дня ўсенароднай памяці ахвяр Вялікай Айчыннай вайны і генацыду беларускага народа і 80-годдзя вызвалення Беларусі ад нямецка-фашысцкіх захопнікаў. У экспазіцыю ўвайшлі 44 архіўныя здымкі, якія расказваюць аб цяжары, які выпаў на долю беларусак у гады ваеннага ліхалецця і пасля яго. Ворагу не ўдалося зламаць іх, як не ўдалося яму пакарыць гераічны беларускі народ, які страціў у той вайне кожнага трэцяга.
"Нараўне з мужчынамі нашы жанчыны ваявалі ў партызанскіх атрадах, ішлі снайперамі на фронт, садзіліся за штурвалы самалётаў і рычагі танкаў, арганізоўвалі дыверсіі захопнікам. Адпраўлялі сваіх мужоў і сыноў на перадавую, пераадольваючы нечалавечыя ўмовы ваеннага быту, гадавалі дзяцей і сеялі збожжа, а пасля вайны з руін паднімалі разбураныя гарады і заводы. Усё гэта яны і ўсё гэта пра іх - мужных, моцных, адданых сваёй сям'і і сваёй краіне беларусках", - адзначылі ў БСЖ.
У адкрыцці выставы прымуць удзел генеральны дырэктар БЕЛТА Ірына Акуловіч і старшыня Беларускага саюза жанчын Вольга Шпілеўская. На прэзентацыю выставы запрошаны ветэраны - жанчыны, якія прайшлі вайну і на свае вочы бачылі ўсе яе жахі.
Фотавыстава "Жанчына. Вайна. Перамога" будзе экспанавацца ў ГЦ "Першы нацыянальны гандлёвы дом" па 3 ліпеня. Уваход свабодны.-0-
Выстава прымеркавана да Дня ўсенароднай памяці ахвяр Вялікай Айчыннай вайны і генацыду беларускага народа і 80-годдзя вызвалення Беларусі ад нямецка-фашысцкіх захопнікаў. У экспазіцыю ўвайшлі 44 архіўныя здымкі, якія расказваюць аб цяжары, які выпаў на долю беларусак у гады ваеннага ліхалецця і пасля яго. Ворагу не ўдалося зламаць іх, як не ўдалося яму пакарыць гераічны беларускі народ, які страціў у той вайне кожнага трэцяга.
"Нараўне з мужчынамі нашы жанчыны ваявалі ў партызанскіх атрадах, ішлі снайперамі на фронт, садзіліся за штурвалы самалётаў і рычагі танкаў, арганізоўвалі дыверсіі захопнікам. Адпраўлялі сваіх мужоў і сыноў на перадавую, пераадольваючы нечалавечыя ўмовы ваеннага быту, гадавалі дзяцей і сеялі збожжа, а пасля вайны з руін паднімалі разбураныя гарады і заводы. Усё гэта яны і ўсё гэта пра іх - мужных, моцных, адданых сваёй сям'і і сваёй краіне беларусках", - адзначылі ў БСЖ.
У адкрыцці выставы прымуць удзел генеральны дырэктар БЕЛТА Ірына Акуловіч і старшыня Беларускага саюза жанчын Вольга Шпілеўская. На прэзентацыю выставы запрошаны ветэраны - жанчыны, якія прайшлі вайну і на свае вочы бачылі ўсе яе жахі.
Фотавыстава "Жанчына. Вайна. Перамога" будзе экспанавацца ў ГЦ "Першы нацыянальны гандлёвы дом" па 3 ліпеня. Уваход свабодны.-0-
Падпісвайцеся на нас у
