Фота з архіва
13 лістапада, Масква /Эдуард Півавар - БЕЛТА/. Пасяджэнне пастаянна дзеючага семінара пры Парламенцкім сходзе Саюза Беларусі і Расіі па пытаннях будаўніцтва Саюзнай дзяржавы пройдзе ў Гродне 20-21 лістапада. Тэма пасяджэння - "Дзяржаўная палітыка ў сферы культуры ў рамках Саюзнай дзяржавы ва ўмовах геапалітычных змяненняў: напрамкі і перспектывы", паведамілі БЕЛТА ў прэс-службе сходу.
"Удзельнікі семінара разгледзяць актуальныя пытанні развіцця культурна-гуманітарнай прасторы, правядзення ўзгодненай палітыкі і гарманізацыі заканадаўства ў сферы культуры Беларусі і Расіі. Асаблівая ўвага будзе ўдзелена ролі культуры ў выхаванні моладзі, значэнню сям'і і царквы ў фарміраванні духоўна-маральных каштоўнасцей, удасканаленню сумесных навуковых даследаванняў і дзейнасці па захаванні гістарычнай памяці і культурнай спадчыны каштоўнасцей дзвюх краін", - сказалі ў прэс-службе.
У мерапрыемстве прымуць удзел дэпутаты Парламенцкага сходу, прадстаўнікі Пастаяннага камітэта Саюзнай дзяржавы, міністэрстваў культуры Беларусі і Расіі, устаноў культуры, духавенства, кінаіндустрыі, навукова-даследчых і адукацыйных устаноў дзвюх краін.
Пастаянна дзеючы семінар пры Парламенцкім сходзе Саюза Беларусі і Расіі па пытаннях будаўніцтва Саюзнай дзяржавы быў створаны ў 2006 годзе па ініцыятыве саюзных парламентарыяў. Традыцыйна семінар збірае прадстаўнікоў навуковых колаў, прыхільнікаў інтэграцыі Беларусі і Расіі. Фармат мерапрыемства дае магчымасць дэталёва разгледзець актуальныя пытанні супрацоўніцтва Беларусі і Расіі ў рамках Саюзнай дзяржавы.-0-
"Удзельнікі семінара разгледзяць актуальныя пытанні развіцця культурна-гуманітарнай прасторы, правядзення ўзгодненай палітыкі і гарманізацыі заканадаўства ў сферы культуры Беларусі і Расіі. Асаблівая ўвага будзе ўдзелена ролі культуры ў выхаванні моладзі, значэнню сям'і і царквы ў фарміраванні духоўна-маральных каштоўнасцей, удасканаленню сумесных навуковых даследаванняў і дзейнасці па захаванні гістарычнай памяці і культурнай спадчыны каштоўнасцей дзвюх краін", - сказалі ў прэс-службе.
У мерапрыемстве прымуць удзел дэпутаты Парламенцкага сходу, прадстаўнікі Пастаяннага камітэта Саюзнай дзяржавы, міністэрстваў культуры Беларусі і Расіі, устаноў культуры, духавенства, кінаіндустрыі, навукова-даследчых і адукацыйных устаноў дзвюх краін.
Пастаянна дзеючы семінар пры Парламенцкім сходзе Саюза Беларусі і Расіі па пытаннях будаўніцтва Саюзнай дзяржавы быў створаны ў 2006 годзе па ініцыятыве саюзных парламентарыяў. Традыцыйна семінар збірае прадстаўнікоў навуковых колаў, прыхільнікаў інтэграцыі Беларусі і Расіі. Фармат мерапрыемства дае магчымасць дэталёва разгледзець актуальныя пытанні супрацоўніцтва Беларусі і Расіі ў рамках Саюзнай дзяржавы.-0-
Падпісвайцеся на нас у
