Палітолаг пра выбары прэзідэнта ў Польшчы: гэта нейкі рытуал, які мае ўсё меншае значэнне

3 чэрвеня, Мінск /Кар. БЕЛТА/. Палякі заўсёды будуць аслеплены нянавісцю да Расіі, а значыць, заўсёды будуць інструментам у нечыіх руках. Аб гэтым у праекце "У тэме" на YouTube-канале БЕЛТА заявіў расійскі грамадскі дзеяч, гісторык, палітолаг Барыс Якеменка.

Гаворачы аб прэзідэнцкіх выбарах у Польшчы, палітолаг выказаў меркаванне, што гэта нейкі рытуал, які мае ўсё меншае значэнне. "Ва Украіне выбары наогул не адбыліся - і што? А гэта ж еўрапейскі прэцэдэнт. Еўропа вельмі часта бярэ на ўзбраенне гэтыя прэцэдэнты, напрыклад, з Прыбалтыкі, з Украіны. Гэта такая эксперыментальная пляцоўка. Можна не праводзіць выбары? Можна! Ніхто не пярэчыць? Ніхто! Значыць, і ў іншых еўрапейскіх краінах у нейкі момант можна будзе зрабіць гэтак жа. Гэта значыць праводзяцца такія сацыяльныя замеры", - сказаў Барыс Якеменка.

Вяртаючыся да тэмы прэзідэнцкіх выбараў у Польшчы, палітолаг падкрэсліў, што на знешнюю і ўнутраную палітыку яны ніяк не паўплываюць. "У любым выпадку крыўда былой калоніі на сваю метраполію - на Расію - застанецца. У Польшчы заўсёды кісла ставіліся і да савецкіх людзей, і да расіян. Так ці інакш яны будуць аслеплены гэтай агідай і нянавісцю, а значыць, заўсёды будуць рэсурсам у нечыіх руках. Таму што заўсёды знойдуцца тыя, хто будзе падкормліваць гэту нянавісць. Гэта значыць яны самі сябе ставяць у тыя ўмовы, пры якіх не могуць быць суверэннымі", - упэўнены ён.-0-