1 чэрвеня, Мінск /Кар. БЕЛТА/. Амерыканцы хацелі б, каб увесь свет расплачваўся за іх імперыю. Аб гэтым у праекце "У тэме" на YouTube-канале БЕЛТА заявіў палітолаг Вадзім Ялфімаў.
Паводле яго слоў, працэсы па глабальным перадзеле свету даўно наспявалі. "Не можа быць свет монапалярным па азначэнні. Хоць гэта ідэя фікс усіх амерыканцаў, пачынаючы ад Байдэна, Кандалізы Райс і нават разважлівага Генры Кісінджэра. Калі пачытаеце яго знакамітую працу "Дыпламатыя", асноўную, якая стала ўжо класічнай. Такі нарыс усёй гісторыі. І ён усюды даказвае, галоўная яго думка ў тым, што шматпалярнасць заўсёды вядзе да вайны. А вось аднапалярнасць заўсёды супакойвае ўсіх, наводзіць парадак, і Злучаныя Штаты Амерыкі павінны навечна застацца гэтым адзіным полюсам. Сёння амерыканцы хацелі б, каб увесь свет расплачваўся за іх імперыю", - адзначыў Вадзім Ялфімаў.
Палітолаг прывёў канкрэтны прыклад. "Вось цяпер наспеў дэфолт. Але што сказаў Прэзідэнт ЗША: калі ў Амерыкі будзе дэфолт - ва ўсяго свету будуць праблемы. Гэта значыць за ўсе нашы справы будзеце адказваць вы, груба кажучы, і расплачвацца вы. Мы і так ужо шмат у чым расплачваемся. Таму ўвесь свет не хоча расплачвацца за амерыканскую манаполію. Ён даўно імкнуўся да гэтага, і шматпалярнасць не раз гучала як ідэя на мяжы 2000-х гадоў", - падкрэсліў ён.-0-
