Сцяг Пятніца, 29 сакавіка 2024
Усе навіны
Усе навіны
Грамадства
16 мая 2018, 10:15

Паліклінікі Мінска перайшлі на летні рэжым работы

16 мая, Мінск /Кар. БЕЛТА/. Паліклінікі Мінска перайшлі на летні рэжым работы, паведамілі БЕЛТА ў камітэце па ахове здароўя Мінгарвыканкама.

У будзённыя дні рэгістратура ў паліклініках працуе з 7.00 да 20.00, дапаможныя службы (клініка-дыягнастычная лабараторыя, працэдурны, рэнтгенаграфічны, флюараграфічны, даўрачэбны кабінеты, ЭКГ, цэнтральная стэрылізацыйная лабараторыя) - з 7.30 да 20.00.

Урачы ў паліклініках прымаюць пацыентаў з 8.00 да 20.00, выклік дадому магчымы з 7.30 да 19.30. Урачэбныя назначэнні дома выконваюцца з 7.30 да 20.00.

Па суботах рэгістратура будзе працаваць з 8.30 да 15.00, дапаможныя службы, у тым ліку кабінет рэгістрацыі лісткоў непрацаздольнасці, дзённы стацыянар - з 9.00 да 15.00. Да 15.00 па суботах вядуць прыём урачы (па зменным графіку). Выклікаць медработніка дадому можна з 8.30 да 14.30. Выкананне выклікаў дадому ажыццяўляецца з 9.00 да 15.00, урачэбных назначэнняў дома - з 8.30 да 18.00.

Па нядзелях і ў святочныя дні дзяжурны ўрач (для афармлення медыцынскай дакументацыі) працуе з 9.00 да 15.00, урачэбныя назначэнні дома выконваюцца з 9.00 да 18.00.

Па летнім графіку сталічныя паліклінікі будуць працаваць да 30 верасня.-0-

Падпісвайцеся на нас у
Twitter
Топ-навіны
Свежыя навіны Беларусі