21 лютага, Мінск /Кар. БЕЛТА/. Палажэнне аб каардынацыйным савеце ўніверсітэцкай клінікі, якое вызначае задачы, арганізацыю дзейнасці і паўнамоцтвы савета, зацверджана пастановай Міністэрства аховы здароўя Беларусі ад 29 студзеня 2019 года нумар 13, апублікаванай на
Устаноўлена, што каардынацыйны савет з'яўляецца каардынацыйна-кансультатыўным органам па метадалагічных, метадычных і арганізацыйных пытаннях стварэння і функцыянавання ўніверсітэцкай клінікі. Ён выпрацоўвае прапановы па ўдасканаленні нарматыўных прававых актаў; распрацоўвае мерапрыемствы па стварэнні і функцыянаванні ўніверсітэцкай клінікі; звяртаецца праз Міністэрства аховы здароўя ў рэспубліканскія органы дзяржаўнага кіравання і іншыя арганізацыі з запытам для атрымання матэрыялаў, неабходных для сваёй дзейнасці, а таксама прыцягвае прадстаўнікоў гэтых органаў, мясцовых улад і грамадскіх, навуковых арганізацый, устаноў адукацыі да ўдзелу ў сваіх пасяджэннях і інш.
Таксама палажэннем вызначаны функцыі і кампетэнцыі старшыні каардынацыйнага савета, сакратара і ўсіх членаў; парадак правядзення пасяджэнняў і прыняцця рашэнняў саветам.
Міністэрства аховы здароўя арганізацыйна і інфармацыйна забяспечвае работу гэтага органа.
Пастанова ўступае ў сілу пасля яе афіцыйнага апублікавання.-0-