Скрыншот відэа ДПК
28 чэрвеня, Мінск /Кар. БЕЛТА/. Пагранічнікі Мазырскага пагранатрада ў выніку прымянення баявой зброі і сродкаў падаўлення спынілі парушэнне паветранай прасторы квадракоптарам, які рухаўся з украінскай тэрыторыі ўглыб Рэспублікі Беларусь, заявіў БЕЛТА афіцыйны прадстаўнік Дзяржпагранкамітэта Антон Бычкоўскі.
"Уздоўж граніцы рэгулярна адзначаюцца разведвальныя палёты ўкраінскіх беспілотных лятальных апаратаў. Спробы залёту беспілотнікаў на нашу тэрыторыю спыняюцца з выкарыстаннем штатнага ўзбраення і тэхнічных сродкаў радыёэлектроннай барацьбы", - адзначыў афіцыйны прадстаўнік Дзяржпагранкамітэта.
"26 чэрвеня ў Ельскім раёне Гомельскай вобласці пагранічны нарад ад пагранічнай заставы Мазырскага пагранатрада ў выніку прымянення баявой зброі і сродкаў падаўлення спыніў парушэнне паветранай прасторы квадракоптарам, які рухаўся з украінскай тэрыторыі ўглыб Рэспублікі Беларусь. Беспілотны лятальны апарат быў прымушаны да пасадкі за 150 м ад дзяржаўнай граніцы", - прывёў канкрэтны прыклад Бычкоўскі.
"На флэш-карце БПЛА выяўлены відэафайлы, аналіз якіх сведчыць, што лятальны апарат праводзіў разведку прамысловых аб'ектаў, якія знаходзяцца на прыгранічнай тэрыторыі, а таксама пагранічнай інфраструктуры", - дадаў ён.
Як паведамлялася раней, апошнім часам у зоне адказнасці Жытомірскага пагранічнага атрада Дзяржпагранслужбы Украіны фіксуецца павелічэнне групоўкі ўкраінскіх узброеных фарміраванняў, у тым ліку сіл спецыяльных аперацый і спецпадраздзяленняў Галоўнага ўпраўлення разведкі Міністэрства абароны Украіны.
На сумежнай тэрыторыі канцэнтруюцца розныя падраздзяленні, у тым ліку з цяжкім узбраеннем: МТЛБ, БМП, уключаючы амерыканскія "Брэдлі", рэактыўныя сістэмы залпавага агню HIMARS, гаўбіцы М777, зенітныя самаходныя ўстаноўкі "Гепард" нямецкай вытворчасці, а таксама іншыя сродкі паражэння.
Як расказаў Антон Бычкоўскі, Дзяржаўны пагранічны камітэт мае звесткі аб знаходжанні ў паласе адказнасці Жытомірскага пагранічнага атрада падраздзяленняў так званага "Рускага дабравольніцкага корпуса". Зафіксаваны рэкагнасцыроўка мясцовасці і актыўная разведвальная дзейнасць, у тым ліку з выхадам да дзяржаўнай граніцы Рэспублікі Беларусь.
"26 чэрвеня ў Ельскім раёне Гомельскай вобласці пагранічны нарад ад пагранічнай заставы Мазырскага пагранатрада ў выніку прымянення баявой зброі і сродкаў падаўлення спыніў парушэнне паветранай прасторы квадракоптарам, які рухаўся з украінскай тэрыторыі ўглыб Рэспублікі Беларусь. Беспілотны лятальны апарат быў прымушаны да пасадкі за 150 м ад дзяржаўнай граніцы", - прывёў канкрэтны прыклад Бычкоўскі.
"На флэш-карце БПЛА выяўлены відэафайлы, аналіз якіх сведчыць, што лятальны апарат праводзіў разведку прамысловых аб'ектаў, якія знаходзяцца на прыгранічнай тэрыторыі, а таксама пагранічнай інфраструктуры", - дадаў ён.
Антон Бычкоўскі таксама абазначыў, што беларускія пагранічнікі прымаюць меры па дадатковым прыкрыцці дзяржаўнай граніцы з Украінай.
На сумежнай тэрыторыі канцэнтруюцца розныя падраздзяленні, у тым ліку з цяжкім узбраеннем: МТЛБ, БМП, уключаючы амерыканскія "Брэдлі", рэактыўныя сістэмы залпавага агню HIMARS, гаўбіцы М777, зенітныя самаходныя ўстаноўкі "Гепард" нямецкай вытворчасці, а таксама іншыя сродкі паражэння.
Пагранічная служба Беларусі на граніцы з Украінай нясе службу ва ўзмоцненым рэжыме. Пагранічнікі сумесна з Мінабароны рэагуюць на змяненне абстаноўкі шляхам павелічэння шчыльнасці прыкрыцця дзяржаўнай граніцы, у тым ліку за кошт магчымасцей аснашчаных сучасным узбраеннем і ваеннай тэхнікай манеўраных груп паўднёвага напрамку. Праводзяцца дадатковыя мерапрыемствы па разведцы і кантролі стану рэжыму дзяржаўнай граніцы.
Дзеянні па забеспячэнні пагранічнай бяспекі ажыццяўляюцца ў цесным узаемадзеянні з часцямі і злучэннямі Узброеных Сіл Рэспублікі Беларусь і накіраваны на недапушчэнне нагнятання абстаноўкі на граніцы і папярэджанне правакацый. Усе яны будуць неадкладна спыняцца суб'ектамі забеспячэння нацыянальнай бяспекі, падкрэслілі ў Дзяржпагранкамітэце.-0-
