Пад дыпламатычным прыкрыццём. Хто курыраваў у Беларусі затрыманага японскага агента

6 верасня, Мінск /Кар. БЕЛТА/. У эфіры тэлеканала "Беларусь 1" у спецыяльным рэпартажы "Правал "самурая" з Токіа" расказалі, што японскі шпіён Масатосі Наканісі меў актыўныя стасункі з супрацоўнікамі пасольства Японіі ў Беларусі, паведамляе БЕЛТА.

У тэлеэфіры адзначылі, што, як правіла, сустрэчы праходзілі не ў дзелавой, а нефармальнай атмасферы. Звычайна на такіх сустрэчах абмяркоўваліся вельмі далікатныя пытанні. З этычных і дыпламатычных меркаванняў журналістаў прасілі не згадваць, што за супрацоўнік пасольства Японіі даваў даручэнні Масатосі Наканісі. Згадалі толькі яго імя - Ясусі.

"Японская спецслужба - цалкам сталая структура, якая мае свой почырк, якая шырока выкарыстоўваецца дзяржаўнымі органамі для правядзення ўнутранай і знешняй палітыкі дзяржавы. Спецыфікай дзейнасці японскай разведкі з'яўляецца правядзенне вярбовачных аперацый альбо на тэрыторыі трэціх дзяржаў, альбо непасрэдна ў Японіі, - адзначыў генерал-маёр у адстаўцы, кіраўнік ваеннай контрразведкі ў 2008-2012 гадах, спецыяліст у галіне процідзеяння замежным спецслужбам Аляксей Захараў. - Тут па класіцы спрацавана. Вярбоўка была ажыццёўлена ў Японіі, там жа агент быў абучаны і адпраўлены ў Рэспубліку Беларусь, у горад Гомель".-0-