ДЗЯРЖОРГАНЫДЗЯРЖОРГАНЫ
Аўторак, 13 красавіка 2021
Мінск Пераменная воблачнасць +16°C
Усе навіны
Усе навіны
Грамадства
16 студзеня 2021, 15:41

Пачынаецца вакцынацыя медыцынскіх работнікаў Беларусі - Міністэрства аховы здароўя

Фота з архіва
Фота з архіва

16 студзеня, Мінск /Кар. БЕЛТА/. Пачынаецца вакцынацыя медыцынскіх работнікаў Беларусі, якія знаходзяцца ў зоне рызыкі. Аб гэтым БЕЛТА паведамілі ў прэс-службе Міністэрства аховы здароўя.

"Ужо сёння ўстановы аховы здароўя атрымліваюць партыі вакцын "Спадарожнік V" для вакцынацыі медработнікаў - тых, якія знаходзяцца ў зоне рызыкі. Перш за ўсё плануецца прышчапіць 2 тыс. 285 медработнікаў Мінска, 3 тыс. 460 - Брэсцкага рэгіёна, 3 тыс. 260 - Віцебскага, 4 тыс. 365 - Гомельскага, 1 тыс. 735 - Гродзенскага, 1 тыс. 610 - Магілёўскага, 2 тыс. 485 - Мінскай вобласці. Каля 800 доз для медработнікаў рэспубліканскіх устаноў", - гаворыцца ў паведамленні.

У Міністэрстве аховы здароўя адзначылі, што практыка пачатку вакцынацыі з медыцынскіх работнікаў - агульнасусветная. Вакцына размеркавана па рэгіёнах у залежнасці ад заявак устаноў аховы здароўя. Усе пытанні захавання халадовага ланцуга адпрацаваны.

У 2020 годзе Беларусь заключыла першапачатковы кантракт на пастаўку 170 тыс. доз вакцыны "Спадарожнік V". Раней былі атрыманы некалькі невялікіх партый вакцын, а напярэдадні Новага года - 20 тыс. доз расійскай вакцыны "Спадарожнік V", якая прайшла ўжо кантроль якасці. "Даследаванні праводзіла даследчая лабараторыя, зарэгістраваная ў Нацыянальнай сістэме акрэдытацыі Беларусі. У першым квартале 2021 года патрэбнасць у вакцыне "Спадарожнік V" плануецца закрываць магутнасцямі айчынных фармвытворцаў", - расказалі ў прэс-службе.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі