Фота з архіва
Лета не жадае здаваць восені пазіцыі. Тэмпература паветра ўжо каторы дзень перавышае адзнаку 30 градусаў. А да канца стагоддзя вучоныя прагназуюць, што клімат у Беларусі можа стаць такім жа, як у Турцыі. Ці ўдалося пабіць тэмпературныя рэкорды і ці ўнікальная для канца жніўня такая гарачыня, даведаліся ў сіноптыкаў.
Для жніўня кліматычная норма - плюс 18 градусаў
"Беларусь размешчана ва ўмовах умерана-кантынентальнага клімату. Праз яе тэрыторыю перамяшчаюцца хвалі трапічнага цяпла, якія абумоўліваюць вялікія дадатныя адхіленні тэмператур ад нормы. Для жніўня кліматычная норма Беларусі складае плюс 18 градусаў, - расказала начальнік аддзела вывучэння змяненняў клімату Белгідрамета Вольга Бакланава. - Пры перамяшчэнні трапічнага паветра з поўдня нярэдка тэмпература паветра ў дзённы час павышаецца да 30 градусаў і больш".
Паводле яе слоў, з 1989 года на тэрыторыі краіны ўсё часцей слупкі тэрмометра пераадольваюць трыццаціградусную адзнаку, што можна лічыць і наступствам глабальнага пацяплення клімату. За перыяд з 1945 па 2023 год самы цёплы жнівень з сярэднямесячнай тэмпературай плюс 20,8 градуса назіраўся ў 2010 годзе, а папярэдні, 2023 год, заняў другое месца з паказчыкам плюс 20,6 градуса.
Бывае і гарачэй
Абсалютны максімум - 38,9 градуса - зарэгістраваны 8 жніўня 2010 года ў Гомелі. Гэта самая высокая тэмпература, якая зафіксавана на тэрыторыі рэспублікі за ўвесь перыяд метэаралагічных назіранняў.
"Па стане на 29 жніўня, за летні перыяд 2024 года максімальная тэмпература паветра была зафіксавана 13 ліпеня на станцыі Жыткавічы і склала плюс 37,9 градуса. У ліпені 2024 года на шэрагу станцый абноўлены значэнні абсалютнага максімуму тэмпературы паветра за ліпень, перавысіўшы папярэднія на 0,1-2,4 градуса, аднак абсалютны рэкорд на тэрыторыі Беларусі пабіты не быў", - расказала Вольга Бакланава.
Надвор'е адпавядае сярэдзіне лета
Як паведаміла намеснік начальніка службы метэаралагічных прагнозаў Белгідрамета Марына Грыцкевіч, цяпер умовы надвор'я ў Беларусі вызначае антыцыклон, які распаўсюдзіў свой уплыў на вялікую тэрыторыю, уключаючы Цэнтральную Еўропу і Еўрапейскую тэрыторыю Расіі, што і з'яўляецца прычынай сухога і малавоблачнага надвор'я. Пры гэтым у верхніх слаях трапасферы ўсталяваўся ўстойлівы паўднёва-ўсходні паток, які спрыяе вынасу вельмі цёплага трапічнага паветра ў межы нашай краіны.
"Спалучэнне вельмі цёплай паветранай масы і значны сонечны прагрэў у дзённы час садзейнічаюць таму, што тэмпературны рэжым, які ўсталяваўся ў Беларусі, хутчэй адпавядае сярэдзіне лета. Паводле апошніх даных, сярэднясутачныя тэмпературы паветра на 2-8 градусаў перавышаюць кліматычную норму гэтага перыяду, а ў пачатку наступнага тыдня стануць яшчэ вышэйшымі", - дадала спецыяліст.
Яна падкрэсліла, што такія сінаптычныя працэсы ў атмасферы вельмі ўстойлівыя. Таму, паводле папярэдняга прагнозу, спякотнае і пераважна сухое надвор'е пратрымаецца ў Беларусі яшчэ як мінімум першую дэкаду верасня.
Надзея МАЦВЕЕВА,
БЕЛТА.-0-
Для жніўня кліматычная норма - плюс 18 градусаў
"Беларусь размешчана ва ўмовах умерана-кантынентальнага клімату. Праз яе тэрыторыю перамяшчаюцца хвалі трапічнага цяпла, якія абумоўліваюць вялікія дадатныя адхіленні тэмператур ад нормы. Для жніўня кліматычная норма Беларусі складае плюс 18 градусаў, - расказала начальнік аддзела вывучэння змяненняў клімату Белгідрамета Вольга Бакланава. - Пры перамяшчэнні трапічнага паветра з поўдня нярэдка тэмпература паветра ў дзённы час павышаецца да 30 градусаў і больш".
Паводле яе слоў, з 1989 года на тэрыторыі краіны ўсё часцей слупкі тэрмометра пераадольваюць трыццаціградусную адзнаку, што можна лічыць і наступствам глабальнага пацяплення клімату. За перыяд з 1945 па 2023 год самы цёплы жнівень з сярэднямесячнай тэмпературай плюс 20,8 градуса назіраўся ў 2010 годзе, а папярэдні, 2023 год, заняў другое месца з паказчыкам плюс 20,6 градуса.
Бывае і гарачэй
Абсалютны максімум - 38,9 градуса - зарэгістраваны 8 жніўня 2010 года ў Гомелі. Гэта самая высокая тэмпература, якая зафіксавана на тэрыторыі рэспублікі за ўвесь перыяд метэаралагічных назіранняў.
"Па стане на 29 жніўня, за летні перыяд 2024 года максімальная тэмпература паветра была зафіксавана 13 ліпеня на станцыі Жыткавічы і склала плюс 37,9 градуса. У ліпені 2024 года на шэрагу станцый абноўлены значэнні абсалютнага максімуму тэмпературы паветра за ліпень, перавысіўшы папярэднія на 0,1-2,4 градуса, аднак абсалютны рэкорд на тэрыторыі Беларусі пабіты не быў", - расказала Вольга Бакланава.
Надвор'е адпавядае сярэдзіне лета
Як паведаміла намеснік начальніка службы метэаралагічных прагнозаў Белгідрамета Марына Грыцкевіч, цяпер умовы надвор'я ў Беларусі вызначае антыцыклон, які распаўсюдзіў свой уплыў на вялікую тэрыторыю, уключаючы Цэнтральную Еўропу і Еўрапейскую тэрыторыю Расіі, што і з'яўляецца прычынай сухога і малавоблачнага надвор'я. Пры гэтым у верхніх слаях трапасферы ўсталяваўся ўстойлівы паўднёва-ўсходні паток, які спрыяе вынасу вельмі цёплага трапічнага паветра ў межы нашай краіны.
"Спалучэнне вельмі цёплай паветранай масы і значны сонечны прагрэў у дзённы час садзейнічаюць таму, што тэмпературны рэжым, які ўсталяваўся ў Беларусі, хутчэй адпавядае сярэдзіне лета. Паводле апошніх даных, сярэднясутачныя тэмпературы паветра на 2-8 градусаў перавышаюць кліматычную норму гэтага перыяду, а ў пачатку наступнага тыдня стануць яшчэ вышэйшымі", - дадала спецыяліст.
Яна падкрэсліла, што такія сінаптычныя працэсы ў атмасферы вельмі ўстойлівыя. Таму, паводле папярэдняга прагнозу, спякотнае і пераважна сухое надвор'е пратрымаецца ў Беларусі яшчэ як мінімум першую дэкаду верасня.
Надзея МАЦВЕЕВА,
БЕЛТА.-0-
Падпісвайцеся на нас у
