Фота з архіва
9 лістапада, Мінск /Кар. БЕЛТА/. Па праграме "На родныя тавары" да канца года плануецца заключыць дагавораў на суму больш за Br400 млн. Аб гэтым расказаў дырэктар дэпартамента крэдытавання насельніцтва ААТ "ААБ Беларусбанк" Віктар Агееў у праекце БЕЛТА "Краіна гаворыць".
Пастанова Савета Міністраў ад 29 снежня 2023 года нумар 992 "Аб спажывецкім крэдытаванні" была прынята для стымулявання развіцця рознічнага гандлю, у тым ліку ў рэгіёнах, і на прадастаўленне насельніцтву больш камфортных умоў для куплі тавараў. Спажывецкія крэдыты "На родныя тавары" пакуль што выдае толькі Беларусбанк на тры гады пад фіксаваную на ўвесь тэрмін крэдытавання стаўку 4 працэнты гадавых для набыцця тавараў беларускіх вытворцаў.
"З пачатку бягучага года мы падтрымалі ініцыятыву нашага ўрада па стымуляванні рэалізацыі тавараў айчыннай вытворчасці і большай даступнасці для нашых грамадзян", - расказаў Віктар Агееў.
Паводле яго слоў, у рамках праграмы людзі набываюць мэблю, халадзільнікі, сантэхніку, плітку - гэта лідары продажаў. Па сутнасці, гэта тая ж растэрміноўка на тры гады з мінімальнай пераплатай. З прыцягненнем крэдыту "На родныя тавары" можна набыць больш за 29 груп тавараў айчыннай вытворчасці.
"Пералік даволі шырокі. У сярэдзіне лета дабавіліся домакамплекты і ўсё, што звязана з вырабам з драўніны. Гэта ў асноўным ахоп прадпрыемстваў лясгасаў, дрэваапрацоўкі. Гэта таксама карыстаецца вялікай папулярнасцю", - адзначыў прадстаўнік банка.
У цэлым з пачатку года было заключана крэдытных дагавораў на суму больш за Br300 млн, а ў гэтым годзе плануецца перасягнуць планку Br400 млн. Аб'ём даволі вялікі, падкрэсліў Віктар Агееў.
*Праект створаны за кошт сродкаў мэтавага збору на вытворчасць нацыянальнага кантэнту.-0-
Падпісвайцеся на нас у
