Мабільная версія
ДЗЯРЖОРГАНЫ

Апошнія навіны
Усе навіны

Новыя стандарты безбар'ернага асяроддзя ўводзяцца ў Беларусі з 1 жніўня

Грамадства 16.07.2019 | 09:37
Фота з архіва
Фота з архіва

16 ліпеня, Мінск /Кар. БЕЛТА/. У Беларусі з 1 жніўня ўводзяцца новыя стандарты для забеспячэння безбар'ернага асяроддзя, паведаміла карэспандэнту БЕЛТА вядучы інжынер аддзела тэхнічнага нарміравання і стандартызацыі ў машынабудаванні і рэсурсазберажэнні Беларускага дзяржаўнага інстытута стандартызацыі і сертыфікацыі (БелДІСС) Кацярына Карыцька.

Стандарты распрацаваны ў адпаведнасці з падпраграмай "Безбар'ернае асяроддзе жыццядзейнасці інвалідаў і фізічна аслабленых асоб" і змяшчаюць патрабаванні да канструкцыі і ўстаноўкі пад'ёмных механізмаў і тэхнічных сродкаў сацыяльнай рэабілітацыі, якія забяспечваюць бяспечнае перамяшчэнне людзей з абмежаванымі магчымасцямі.

У прыватнасці, СТБ ISO 23599-2019 прызначаны дапамагчы людзям са слабым зрокам арыентавацца ў прасторы дзякуючы зручнаму размяшчэнню спецыяльных элементаў - тактыльных паказальнікаў (папераджальных і накіравальных), якія забяспечваюць правільнае ўспрыманне інфармацыі, што перадаецца праз тактыльныя паверхні як у памяшканнях, так і на адкрытых пляцоўках (паблізу пешаходных пераходаў, чыгуначных платформ, лесвіц, пандусаў, эскалатараў, ліфтаў).

Стандарт СТБ EN 81-82-2019 накіраваны на павышэнне даступнасці ліфтаў для ўсіх пасажыраў, уключаючы пасажыраў з абмежаванымі магчымасцямі, СТБ ISO 19026-2019 - на вырашэнне праблем, з якімі сутыкаюцца пажылыя грамадзяне, людзі з інваліднасцю пры карыстанні грамадскімі туалетамі (стандарт устанаўлівае патрабаванні да формы, колеру, размяшчэння кнопак змывання, выкліку).

СТБ ISO 10865-2-2019 устанаўлівае метады выпрабаванняў і патрабаванні да канструкцыі, характарыстык і маркіроўкі сістэм мацавання крэслаў-калясак, а таксама да адпаведных інструкцый і папярэджанняў. "Бяспечная перавозка звычайна патрабуе дадатковага абсталявання для замацавання крэслаў-калясак у аварыйных сітуацыях. Стандарт прапануе альтэрнатыўныя рашэнні для эфектыўнага выкарыстання прасторы, зручнасці і незалежнасці пасажыраў у час паездкі", - растлумачыла вядучы інжынер БелДІСС.

СТБ EN 12182-2019 устанаўлівае агульныя тэхнічныя патрабаванні і метады выпрабаванняў асістыўных устройстваў, якія адносяцца да медыцынскага абсталявання. У іх ліку артапедычныя прыстасаванні для хадзьбы, крэслы-каляскі, пратэзы, хадункі і інш.

Кацярына Карыцька адзначыла, што новыя стандарты ствараліся пры падтрымцы грамадскіх аб'яднанняў інвалідаў і Беларускага пратэзна-артапедычнага аднаўленчага цэнтра, адпавядаюць сучасным міжнародным патрабаванням. "Работа па ўдасканаленні нарматыўнай прававой базы прадаўжаецца", - дадала яна.

Фарміраванне безбар'ернага асяроддзя - важнейшая ўмова забеспячэння інвалідам і фізічна аслабленым асобам роўных магчымасцей для ўдзелу ў жыцці грамадства. Размова ідзе аб стварэнні ўмоў, якія забяспечваюць магчымасць бесперашкоднага перамяшчэння (пяшком, на калясках, асабістым і грамадскім транспарце); доступу ў будынкі і збудаванні, уключаючы жылыя дамы і кватэры, перамяшчэння і дзейнасці ўнутры гэтых аб'ектаў, а таксама ў месцах адпачынку і турызму, аб'ектах рэкрэацыйнага і аздараўленчага прызначэння; атрымання поўнага комплексу паслуг і інфармацыі.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Прафілактыка ўкусаў змей У Беларусі жывуць тры віды змей: вуж, мядзянка, гадзюка звычайная (адзіная ядавітая).