Фота з архіва
2 чэрвеня, Мінск /Кар. БЕЛТА/. Каля 50 арганізацый Нацыянальнай акадэміі навук Беларусі прадставяць звыш 200 інавацыйных распрацовак і тэхналогій для галіны сельскагаспадарчай вытворчасці на міжнароднай спецыялізаванай выстаўцы "Белагра-2025", якая пройдзе з 3 па 7 чэрвеня 2025 года ў Мінскім міжнародным выставачным цэнтры. Аб гэтым паведамілі БЕЛТА ў прэс-службе НАН.
Экспазіцыя НПЦ НАН Беларусі па механізацыі сельскай гаспадаркі будзе прадстаўлена новымі машынамі, абсталяваннем і прыборамі для тэхнічнага забеспячэння інавацыйных тэхналогій аграпрамысловага комплексу. Новыя распрацоўкі незаменныя для механізацыі тэхналагічных працэсаў у раслінаводстве і жывёлагадоўлі. Сярод іх АМП-6 - глебаапрацоўчы модульны агрэгат, які прызначаны для безадвальнай і перадпасяўной апрацоўкі глебы, закрыцця вільгаці, выраўноўвання паверхні поля і прыкачвання глебы, барацьбы з пустазеллем і стварэння дробнакамякаватай структуры. У ліку навінак - праграмна-апаратны комплекс сістэмы пазіцыянавання механізмаў даільнага абсталявання пры рабатызаванай тэхналогіі даення. Асновай кіравання гэтай сістэмай з'яўляецца 3D-камера, якая выкарыстоўвае тэхналогію візуалізацыі далёкасці, што ўключае трыянгуляцыі і метады інтэрфераметрыі.
Навукова-практычны цэнтр НАН Беларусі па земляробстве прадэманструе на выстаўцы насенне новых сартоў сельскагаспадарчых культур з высокім патэнцыялам прадукцыйнасці і ўраджайнасці, створаных вучонымі-аграрыямі на базе цэнтра. У іх ліку азімая пшаніца "Грэя", "Асіма", "Стэфа", азімае жыта "Залеснае", "Белгі", "Батлейка", "Ізона", азімае трыцікале "Эквадор", "Слаўко", яравы піваварны ячмень "Літвін", авёс "Рэверанс", грэчка "Дзея", вузкалісты лубін "Жакей", палявы гарох "Стымул", яравы рапс "Ягуар" і інш.
Інстытут глебазнаўства і аграхіміі прадэманструе вадкія ўгнаенні, створаныя на аснове хелатаў металаэлементаў цынку, медзі і бору ў аргана-мінеральнай форме з дабаўленнем рэгулятара росту - гідрагуміну, гідрагумату ці іншых гумінавых рэчываў, якія прызначаны для перадпасяўной інкрустацыі і для некаранёвай падкормкі сельскагаспадарчых культур. Павышаюць ураджайнасць культур і якасць прадукцыі.
Інстытут лёну прадставіць новыя сарты з высокім патэнцыялам ураджайнасці і прадукцыйнасці. Што датычыцца лёну-даўгунцу, гэта сарты "Эверэст", "Алтын", "Талер", "Дукат", "Маяк". Прэзентуюць і сарты алейнага лёну - "Дар", "Альянс", "Візір", "Славянін", "Бонус".
Інстытут мяса-малочнай прамысловасці прадставіць тэхналогіі вытворчасці нізкалактозных і безлактозных малочных і кісламалочных прадуктаў, замарожаныя канцэнтраваныя закваскі "СЫР-10" і "СЫР-10 Прэміум" для вырабу паўцвёрдых сыроў з паніжанай колькасцю тлушчу, кансервы з мяса прамысловых жывёл (алень).
ДНВА "Оптыка, оптаэлектроніка і лазерная тэхніка" пакажа наведвальнікам "Белагра" сканіруючы гіперспектральны лідар бачнага і блізкага інфрачырвонага дыяпазонаў спектра для вызначэння характарыстычных параметраў сельскагаспадарчых аб'ектаў і прадукцыі дыстанцыйным метадам.
Цэнтр святлодыёдных і оптаэлектронных тэхналогій НАН Беларусі прадставіць святлодыёднае электраасвятленне для агародніцтва закрытага грунту.
Вучоныя НАН Беларусі прадэманструюць таксама новыя сарты спаржавай фасолі, капусты і іншых сельскагаспадарчых раслін, ветэрынарныя прэпараты, сродкі для аховы, рэгулятары росту раслін і многае іншае.-0-
Экспазіцыя НПЦ НАН Беларусі па механізацыі сельскай гаспадаркі будзе прадстаўлена новымі машынамі, абсталяваннем і прыборамі для тэхнічнага забеспячэння інавацыйных тэхналогій аграпрамысловага комплексу. Новыя распрацоўкі незаменныя для механізацыі тэхналагічных працэсаў у раслінаводстве і жывёлагадоўлі. Сярод іх АМП-6 - глебаапрацоўчы модульны агрэгат, які прызначаны для безадвальнай і перадпасяўной апрацоўкі глебы, закрыцця вільгаці, выраўноўвання паверхні поля і прыкачвання глебы, барацьбы з пустазеллем і стварэння дробнакамякаватай структуры. У ліку навінак - праграмна-апаратны комплекс сістэмы пазіцыянавання механізмаў даільнага абсталявання пры рабатызаванай тэхналогіі даення. Асновай кіравання гэтай сістэмай з'яўляецца 3D-камера, якая выкарыстоўвае тэхналогію візуалізацыі далёкасці, што ўключае трыянгуляцыі і метады інтэрфераметрыі.
Навукова-практычны цэнтр НАН Беларусі па земляробстве прадэманструе на выстаўцы насенне новых сартоў сельскагаспадарчых культур з высокім патэнцыялам прадукцыйнасці і ўраджайнасці, створаных вучонымі-аграрыямі на базе цэнтра. У іх ліку азімая пшаніца "Грэя", "Асіма", "Стэфа", азімае жыта "Залеснае", "Белгі", "Батлейка", "Ізона", азімае трыцікале "Эквадор", "Слаўко", яравы піваварны ячмень "Літвін", авёс "Рэверанс", грэчка "Дзея", вузкалісты лубін "Жакей", палявы гарох "Стымул", яравы рапс "Ягуар" і інш.
Інстытут глебазнаўства і аграхіміі прадэманструе вадкія ўгнаенні, створаныя на аснове хелатаў металаэлементаў цынку, медзі і бору ў аргана-мінеральнай форме з дабаўленнем рэгулятара росту - гідрагуміну, гідрагумату ці іншых гумінавых рэчываў, якія прызначаны для перадпасяўной інкрустацыі і для некаранёвай падкормкі сельскагаспадарчых культур. Павышаюць ураджайнасць культур і якасць прадукцыі.
Інстытут лёну прадставіць новыя сарты з высокім патэнцыялам ураджайнасці і прадукцыйнасці. Што датычыцца лёну-даўгунцу, гэта сарты "Эверэст", "Алтын", "Талер", "Дукат", "Маяк". Прэзентуюць і сарты алейнага лёну - "Дар", "Альянс", "Візір", "Славянін", "Бонус".
Інстытут мяса-малочнай прамысловасці прадставіць тэхналогіі вытворчасці нізкалактозных і безлактозных малочных і кісламалочных прадуктаў, замарожаныя канцэнтраваныя закваскі "СЫР-10" і "СЫР-10 Прэміум" для вырабу паўцвёрдых сыроў з паніжанай колькасцю тлушчу, кансервы з мяса прамысловых жывёл (алень).
ДНВА "Оптыка, оптаэлектроніка і лазерная тэхніка" пакажа наведвальнікам "Белагра" сканіруючы гіперспектральны лідар бачнага і блізкага інфрачырвонага дыяпазонаў спектра для вызначэння характарыстычных параметраў сельскагаспадарчых аб'ектаў і прадукцыі дыстанцыйным метадам.
Цэнтр святлодыёдных і оптаэлектронных тэхналогій НАН Беларусі прадставіць святлодыёднае электраасвятленне для агародніцтва закрытага грунту.
Вучоныя НАН Беларусі прадэманструюць таксама новыя сарты спаржавай фасолі, капусты і іншых сельскагаспадарчых раслін, ветэрынарныя прэпараты, сродкі для аховы, рэгулятары росту раслін і многае іншае.-0-
Падпісвайцеся на нас у
