8 лістапада, Мінск /Кар. БЕЛТА/. Новы расійскі прэпарат для лячэння COVID-19 паступіў для рэалізацыі ў аптэчную сетку РУП "Белфармацыя", паведамляе БЕЛТА са спасылкай на прэс-службу Міністэрства аховы здароўя.
Процівірусны сродак "Скайвіра" вытворчасці АТ "Біяхімік" можна набыць па рэцэпце ўрача ў любой аптэцы дзяржаўнай аптэчнай сеткі.
Адзначаецца, што лякарства змяшчае камбінацыю двух дзеючых рэчываў (нірматрэлвіру і рытанавіру). Накіраваны механізм дзеяння на вірусную пратэазу вызначае поспех лячэння незалежна ад штама SARS-CoV-2.
У Міністэрстве аховы здароўя дадалі, што лекавы сродак папоўніць арсенал урачоў у прэпаратах для лячэння пацыентаў у амбулаторных умовах. Прэпарат дазволіць прадухіліць ускладненае цячэнне захворвання і шпіталізацыю, паскорыць выздараўленне і мінімізаваць посткавідны сіндром.-0-
