Мабільная версія
ДЗЯРЖОРГАНЫ

Апошнія навіны
Усе навіны

Няўстойлівае надвор'е з дажджом і снегам і да 9 градусаў марозу чакаецца ў Беларусі на бягучым тыдні

Грамадства 11.03.2019 | 13:54
Фота з архіва
Фота з архіва

11 сакавіка, Мінск /Кар. БЕЛТА/. Няўстойлівае надвор'е з дажджом і мокрым снегам, парывісты вецер, галалёдзіца і да 9 градусаў марозу чакаецца ў Беларусі на бягучым тыдні, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

"На гэтым тыдні ў Беларусі чакаецца няўстойлівае надвор'е. У першай палавіне тыдня пад уплывам паветранай масы скандынаўскага паходжання ў начны час будзе падмарожваць. А ў другой палавіне тыдня ўмовы надвор'я будуць у асноўным вызначаць атмасферныя франты, якія прынясуць ападкі і больш цёплае паветра з Заходняй Еўропы, і тэмпературны фон пачне павышацца", - сказалі ў Белгідрамеце.

У аўторак, 12 сакавіка, месцамі пройдзе кароткачасовы снег, мокры снег, па поўначы краіны - з парывістым ветрам. Уначы і раніцай падмарозіць, дарогі будуць слізкімі. Тэмпература паветра ўначы панізіцца да нуля - мінус 5, днём будзе ад нуля да плюс 5.

У сераду, 13 сакавіка, уначы ў асобных раёнах Віцебскай вобласці пройдзе кароткачасовы снег, удзень месцамі, пераважна па заходняй частцы краіны, чакаюцца кароткачасовыя ападкі (мокры снег, з пераходам у дождж). Уначы і раніцай на асобных участках дарог чакаецца галалёдзіца. Тэмпература паветра ўначы панізіцца да мінус 2-9, удзень будзе ад нуля да плюс 7.

У чацвер, 14 сакавіка, атмасферныя франты абумовяць на большай частцы тэрыторыі краіны кароткачасовыя ападкі (дождж, мокры снег), якія ўдзень па заходняй частцы краіны будуць суправаджацца парывістым ветрам. Уначы і раніцай у асобных раёнах чакаюцца слабыя туман і галалёд, на дарогах галалёдзіца. Тэмпература паветра ўначы складзе ад мінус 4 да плюс 2. Днём будзе 2-8 градусаў цяпла, у паўднёва-заходніх раёнах - плюс 9-10.

У пятніцу, 15 сакавіка, у начны час месцамі, удзень на большай частцы тэрыторыі краіны пройдуць кароткачасовыя ападкі (мокры снег, дождж). Уначы і раніцай у асобных раёнах чакаюцца слабыя туман і галалёд, на дарогах галалёдзіца. Тэмпература паветра ўначы складзе ад мінус 3 да плюс 3, удзень - 3-9 градусаў цяпла.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Рэкамендацыі для тых, хто плануе паездкі ў Ізраіль Пры ўзнікненні спрэчных сітуацый на граніцы прасіць супрацоўнікаў міграцыйнай службы звязацца з запрашаючымі асобамі для пацвярджэння імі гатоўнасці прыняць вас ва ўзгодненыя тэрміны.