22 сакавіка, Мінск /Кар. БЕЛТА/. Нямецкія палітыкі - гэта марыянеткі амерыканцаў, але большасць немцаў не падзяляе іх поглядаў. Аб гэтым на ўскладанні кветак у мемарыяльным комплексе "Хатынь" у сувязі з 80-годдзем трагедыі расказаў нямецкі журналіст Дзірк Польман, перадае карэспандэнт БЕЛТА.
"Я прадстаўнік той нямецкай большасці, якая не падтрымлівае нашу дзеючую ўладу. Нашы палітыкі з'яўляюцца марыянеткамі амерыканцаў. Але большасць немцаў не падзяляе іх поглядаў. І я рады, што сёння мне ўдалося пабываць у "Хатыні" - гэтым свяшчэнным для кожнага беларуса месцы", - заявіў Дзірк Польман.
Паводле слоў нямецкага журналіста, ён узначальвае прыватнае журналісцкае агенцтва, якое стараецца данесці да грамадзян Германіі праўдзівую інфармацыю аб рэальнасці. Акрамя таго, Дзірк Польман займаецца здымкай дакументальных фільмаў на вострыя і актуальныя тэмы.-0-
