19 лютага, Мінск /Кар. БЕЛТА/. Невялікія ападкі чакаюцца месцамі па Беларусі 20 лютага, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У чацвер будзе воблачна з праясненнямі. Уначы па захадзе, удзень месцамі па краіне пройдуць невялікія ападкі, пераважна дажджы. Уначы і раніцай у асобных раёнах чакаецца слабы туман, слабы галалёд. Вецер прагназуецца паўднёва-заходні 4-9 м/с.
Тэмпература паветра ўначы складзе ад мінус 2 да плюс 3 градусаў. Удзень будзе 3-8 градусаў цяпла.-0-
