Мабільная версія
ДЗЯРЖОРГАНЫ

Апошнія навіны
Усе навіны

Несанкцыянаваная вулічная акцыя ў Мінску не знайшла падтрымкі ў грамадстве

Грамадства 25.03.2017 | 17:15

25 сакавіка, Мінск /Кар. БЕЛТА/. Несанкцыянаваная вулічная акцыя ў Мінску не знайшла падтрымкі ў грамадстве, паведамляе БЕЛТА.

Напярэдадні гарадскія ўлады папярэдзілі аб тым, што ўсе несанкцыянаваныя сходы людзей у горадзе прызнаюцца незаконнымі, адпаведна, іх удзельнікі падпадаюць пад дзеянне адміністрацыйнага кодэкса.

Нягледзячы на гэта, сёння ў раёне 14.00 у Мінску ўдзельнікі акцыі спрабавалі сабрацца каля будынка Акадэміі навук. Супрацоўнікі міліцыі папярэджвалі людзей аб адказнасці за ўдзел у акцыі і прасілі разысціся. Аднак нешматлікая частка тых, хто сабраўся, прыняла рашэнне прайсці ад Акадэміі навук уздоўж праспекта Незалежнасці ў бок плошчы Якуба Коласа. Каб забяспечыць бяспеку, супрацоўнікі АМАПа вымушаны былі перакрыць праспект Незалежнасці. Чарговы раз з дапамогай гучнагаварыцеляў супрацоўнікі міліцыі папярэдзілі прысутных аб недапушчальнасці ўдзелу ў несанкцыянаванай акцыі, нагадалі аб адказнасці за парушэнне заканадаўства, папрасілі разысціся. Пасля чаго колькасць прысутных стала значна меншай. Разам з тым частка з іх вырашыла прайсці ў бок плошчы Перамогі. У хуткім часе акцыя завяршылася.

Як паведамлялі журналісты розных СМІ, у тым ліку і замежных, мэты, якія абвяшчаліся напярэдадні арганізатарамі акцыі, не былі падтрыманы ў грамадстве. Асобныя ўдзельнікі акцыі наўмысна паводзілі сябе правакацыйна, відавочна імкнучыся стварыць "яркую карцінку" для тыражавання ў СМІ.

Сёння вулічныя акцыі прайшлі таксама ў абласных цэнтрах краіны. Яны мелі нешматлікі характар. На вуліцы выйшлі літаральна дзясяткі чалавек. У Брэсце, Гомелі і Віцебску з тымі, хто сабраўся, размаўлялі прадстаўнікі мясцовай улады.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Графік работы ўстаноў аховы здароўя ў снежаньскія выхадныя і святы У Беларусі зменены графік работы ўстаноў аховы здароўя ў выхадныя і святочныя дні ў снежні 2018 года.