Фота з архіва
13 верасня, Магілёў /Кар. БЕЛТА/. Больш за 60 першакурснікаў факультэта механізацыі сельскай гаспадаркі Беларускай дзяржаўнай сельскагаспадарчай акадэміі адправіліся на прадпрыемствы Горацкага раёна на азнаямленчую практыку. Аб гэтым карэспандэнту БЕЛТА расказаў дэкан факультэта Уладзімір Гусараў.
"Больш за 60 першакурснікаў факультэта механізацыі ў час азнаямленчай практыкі ў складзе васьмі студэнцкіх атрадаў адправіліся на два тыдні ў дапамогу аграрыям Горацкага раёна, - расказаў дэкан факультэта механізацыі сельскай гаспадаркі. - У гэтым годзе ў традыцыйна мужчынскіх студатрадах пяць першакурсніц факультэта механізацыі сельскай гаспадаркі заняты на пастаноўцы тэхнікі на захоўванне, навядзеннем парадку на мехдварах і іншай карыснай работай".
Дапамога студэнтаў для гаспадарак у такую гарачую пару вельмі патрэбна, паколькі цяпер актыўна ідзе ўборка кукурузы на сілас.
Першакурснікаў з радасцю прынялі на вытворчасці. Для юнакоў і дзяўчат стварылі ўсе неабходныя ўмовы: раніцай іх дастаўляюць у гаспадарку, забяспечылі харчаваннем, спецадзеннем. "Самае галоўнае, што юнакі і дзяўчаты з першага дня вучобы пачынаюць знаёміцца з вытворчымі працэсамі, бачаць знутры якія патрабаванні будуць прад'яўлены да іх, калі пасля размеркавання яны прыйдуць у аграпрамысловы комплекс нашай краіны", - падзяліўся Уладзімір Гусараў.
Такі нефармальны падыход да арганізацыі і правядзення азнаямленчай практыкі на факультэце механізацыі сельскай гаспадаркі - ужо традыцыя, якая дае магчымасць маладым людзям не толькі азнаёміцца са сваёй будучай прафесіяй і спецыяльнасцю, але і зарабіць свае першыя грошы ў сельскай гаспадарцы.-0-
"Больш за 60 першакурснікаў факультэта механізацыі ў час азнаямленчай практыкі ў складзе васьмі студэнцкіх атрадаў адправіліся на два тыдні ў дапамогу аграрыям Горацкага раёна, - расказаў дэкан факультэта механізацыі сельскай гаспадаркі. - У гэтым годзе ў традыцыйна мужчынскіх студатрадах пяць першакурсніц факультэта механізацыі сельскай гаспадаркі заняты на пастаноўцы тэхнікі на захоўванне, навядзеннем парадку на мехдварах і іншай карыснай работай".
Дапамога студэнтаў для гаспадарак у такую гарачую пару вельмі патрэбна, паколькі цяпер актыўна ідзе ўборка кукурузы на сілас.
Першакурснікаў з радасцю прынялі на вытворчасці. Для юнакоў і дзяўчат стварылі ўсе неабходныя ўмовы: раніцай іх дастаўляюць у гаспадарку, забяспечылі харчаваннем, спецадзеннем. "Самае галоўнае, што юнакі і дзяўчаты з першага дня вучобы пачынаюць знаёміцца з вытворчымі працэсамі, бачаць знутры якія патрабаванні будуць прад'яўлены да іх, калі пасля размеркавання яны прыйдуць у аграпрамысловы комплекс нашай краіны", - падзяліўся Уладзімір Гусараў.
Такі нефармальны падыход да арганізацыі і правядзення азнаямленчай практыкі на факультэце механізацыі сельскай гаспадаркі - ужо традыцыя, якая дае магчымасць маладым людзям не толькі азнаёміцца са сваёй будучай прафесіяй і спецыяльнасцю, але і зарабіць свае першыя грошы ў сельскай гаспадарцы.-0-
Падпісвайцеся на нас у
