Фота з архіва
11 снежня, Мінск /Кар. БЕЛТА/. Генпракуратура Беларусі плануе накіраваць у суд у 2026 годзе не менш за сем-дзесяць крымінальных спраў у дачыненні да нацысцкіх катаў, паведаміў журналістам генеральны пракурор Андрэй Швед перад Міжнароднай навукова-практычнай канферэнцыяй, прымеркаванай да 77-годдзя з дня прыняцця Канвенцыі Арганізацыі А'яднаных Нацый аб прадухіленні генацыду і пакаранні за яго, перадае карэспандэнт БЕЛТА.
"У наступным годзе плануем не менш за сем, можа, дзесяць крымінальных спраў у дачыненні да канкрэтных катаў, якія не панеслі пакарання, у тым ліку якія потым жылі пасля вайны, памерлі на тэрыторыі ФРГ, іншых краін", - сказаў Андрэй Швед, дадаўшы, што гэты працэс будзе весціся пастаянна.
Згодна з беларускім заканадаўствам, якое было зменена па прапанове Генеральнай пракуратуры, у Вярхоўны Суд накіроўваюцца крымінальныя справы ў дачыненні да нацысцкіх злачынцаў, якія не панеслі заслужанага пакарання. Размова ідзе не толькі пра камандзіраў карных нацыяналістычных падраздзяленняў, але і пра камандзіраў падраздзяленняў вермахта.
На канферэнцыі ў Мінску праз прызму атрыманых доказаў упершыню будзе заяўлена аб недасканаласці матэрыялаў Нюрнбергскага працэсу. Так, не толькі падраздзяленні СС і іншых службаў, якія былі вызначаны Нюрнбергскім трыбуналам як адказныя за генацыд, але і падраздзяленні вермахта, інакш кажучы Узброеных сіл Германіі, праводзілі значную частку карных аперацый.
"Гэта бясспрэчны факт. Большасць карных падраздзяленняў - гэта ваеннаслужачыя Узброеных сіл Германіі. Мы аб гэтым таксама сёння дакладна і адназначна будзем гаварыць", - адзначыў генпракурор.
Адказваючы на пытанне наконт сведак па крымінальных справах аб генацыдзе, Андрэй Швед расказаў пра механізм збору доказаў, у тым ліку работу з жывымі сведкамі, частка якіх прайшла жахі лагераў смерці. Так, вывучаюцца архіўныя крымінальныя справы, праводзіцца работа на мясцовасці, з людзьмі, падымаюцца пенсійныя справы і іншыя матэрыялы. Допыт сведак вядзецца з прымяненнем відэазапісу.
Як растлумачыў генпракурор, гэта неабходна не толькі для таго, каб у рамках нацыянальнага працэсуальнага заканадаўства бясспрэчна замацаваць тую інфармацыю, якую даюць жывыя сведкі. Гэта важна для таго, каб нашчадкі бачылі, слухалі, з вуснаў гэтых людзей ведалі пра зверствы, якія чынілі карнікі тут, на беларускай зямлі. З прымяненнем відэазапісу дапытана больш за 9 тыс. жывых сведак тых злачынстваў, што чынілі нацысты і іх памагатыя на акупіраванай тэрыторыі.-0-
"У наступным годзе плануем не менш за сем, можа, дзесяць крымінальных спраў у дачыненні да канкрэтных катаў, якія не панеслі пакарання, у тым ліку якія потым жылі пасля вайны, памерлі на тэрыторыі ФРГ, іншых краін", - сказаў Андрэй Швед, дадаўшы, што гэты працэс будзе весціся пастаянна.
Згодна з беларускім заканадаўствам, якое было зменена па прапанове Генеральнай пракуратуры, у Вярхоўны Суд накіроўваюцца крымінальныя справы ў дачыненні да нацысцкіх злачынцаў, якія не панеслі заслужанага пакарання. Размова ідзе не толькі пра камандзіраў карных нацыяналістычных падраздзяленняў, але і пра камандзіраў падраздзяленняў вермахта.
На канферэнцыі ў Мінску праз прызму атрыманых доказаў упершыню будзе заяўлена аб недасканаласці матэрыялаў Нюрнбергскага працэсу. Так, не толькі падраздзяленні СС і іншых службаў, якія былі вызначаны Нюрнбергскім трыбуналам як адказныя за генацыд, але і падраздзяленні вермахта, інакш кажучы Узброеных сіл Германіі, праводзілі значную частку карных аперацый.
"Гэта бясспрэчны факт. Большасць карных падраздзяленняў - гэта ваеннаслужачыя Узброеных сіл Германіі. Мы аб гэтым таксама сёння дакладна і адназначна будзем гаварыць", - адзначыў генпракурор.
Адказваючы на пытанне наконт сведак па крымінальных справах аб генацыдзе, Андрэй Швед расказаў пра механізм збору доказаў, у тым ліку работу з жывымі сведкамі, частка якіх прайшла жахі лагераў смерці. Так, вывучаюцца архіўныя крымінальныя справы, праводзіцца работа на мясцовасці, з людзьмі, падымаюцца пенсійныя справы і іншыя матэрыялы. Допыт сведак вядзецца з прымяненнем відэазапісу.
Як растлумачыў генпракурор, гэта неабходна не толькі для таго, каб у рамках нацыянальнага працэсуальнага заканадаўства бясспрэчна замацаваць тую інфармацыю, якую даюць жывыя сведкі. Гэта важна для таго, каб нашчадкі бачылі, слухалі, з вуснаў гэтых людзей ведалі пра зверствы, якія чынілі карнікі тут, на беларускай зямлі. З прымяненнем відэазапісу дапытана больш за 9 тыс. жывых сведак тых злачынстваў, што чынілі нацысты і іх памагатыя на акупіраванай тэрыторыі.-0-
Падпісвайцеся на нас у
