Фота з архіва
12 чэрвеня, Мінск /Кар. БЕЛТА/. Намеснік міністра па падатках і зборах Уладзімір Муквіч расказаў аб барацьбе з ухіленнем ад выплаты падаткаў у сферы перавозак таксі, перадае карэспандэнт БЕЛТА.
"Важны напрамак - кантроль за выкананнем заканадаўства ў сферы перавозак пасажыраў аўтамабілямі таксі. Гэта тэма на слыху ўжо не першы год. Кіраўніком дзяржавы быў прыняты ўказ ад 25 студзеня 2024 года нумар 32 "Аб аўтамабільных перавозках пасажыраў", каб упарадкаваць дзейнасць па гэтым напрамку. Шмат было праблем у гэтай сферы, у тым ліку ў частцы выканання падатковай дысцыпліны. Пачаў працаваць рэестр аўтамабільных перавозак пасажыраў у нерэгулярных зносінах. Але, на жаль, мы бачым, што значная доля суб'ектаў гаспадарання мяркуе, што яны змогуць працаваць, як і раней. Адразу вам скажу як службовая асоба: яны глыбока памыляюцца, працаваць, як раней, не атрымаецца. Мы са свайго боку зробім максімум для таго, каб яны не толькі гэта ўсвядомілі, але яшчэ і заплацілі тыя плацяжы ў бюджэт, якія былі скрыты ад падаткаабкладання", - сказаў Уладзімір Муквіч.
Паводле яго слоў, у выніку кантрольных мерапрыемстваў практычна 1,8 тыс. суб'ектаў гаспадарання трапілі ў поле зроку падатковых органаў. "У нас ёсць падставы гаварыць, што яны ўхіляюцца ад выканання падатковых абавязацельстваў. Мы накіравалі ім больш за 2 тыс. паведамленняў, некаторым мы іх накіроўвалі некалькі разоў. Як мы мяркуем, плацельшчыкі ўхіліліся ад выплаты падаткаў на суму большую за Br100 млн. Гэта сума, якая не паступіла ў бюджэт", - адзначыў намеснік міністра.
Складзена 79 актаў камеральных праверак, па якіх прад'яўлена ўжо да выплаты ў бюджэт Br17 млн. "Гэту работу мы праводзім не толькі ў рамках камеральнага кантролю. У нас пастаянна працуюць аператыўныя падраздзяленні ва ўзаемадзеянні з падраздзяленнямі органаў унутраных спраў Дзяржаўнай аўтамабільнай інспекцыі. Працуем і з Транспартнай інспекцыяй", - звярнуў увагу Уладзімір Муквіч.
Праведзена 764 адміністрацыйныя працэсы. МПЗ працуе не толькі ў рамках адміністрацыйных працэсаў, але і накіроўвае паведамленні ў Транспартную інспекцыю. За 4 месяцы гэтага года накіравана 975 паведамленняў у адносінах да 586 суб'ектаў гаспадарання. У многіх выпадках праводзілася прафілактычная работа. Плацельшчыкам даецца магчымасць устанавіць парушэнне.
"Яшчэ раз вымушаны звярнуць увагу вадзіцеляў аўтамабіляў таксі: неабходна выконваць патрабаванні ўказа нумар 32, варта падаць даныя ў рэестр, трэба выкарыстоўваць спецыяльнае абсталяванне, не скрываць выручку. Было дадзена больш чым дастаткова часу для таго, каб суб'екты гаспадарання, якія хочуць працаваць добрасумленна, падрыхтаваліся да новых норм, арганізавалі сваю дзейнасць. Заклікаем бізнес прыняць належныя меры і дзейнічаць у адпаведнасці з заканадаўствам", - сказаў на заканчэнне намеснік міністра.-0-
"Важны напрамак - кантроль за выкананнем заканадаўства ў сферы перавозак пасажыраў аўтамабілямі таксі. Гэта тэма на слыху ўжо не першы год. Кіраўніком дзяржавы быў прыняты ўказ ад 25 студзеня 2024 года нумар 32 "Аб аўтамабільных перавозках пасажыраў", каб упарадкаваць дзейнасць па гэтым напрамку. Шмат было праблем у гэтай сферы, у тым ліку ў частцы выканання падатковай дысцыпліны. Пачаў працаваць рэестр аўтамабільных перавозак пасажыраў у нерэгулярных зносінах. Але, на жаль, мы бачым, што значная доля суб'ектаў гаспадарання мяркуе, што яны змогуць працаваць, як і раней. Адразу вам скажу як службовая асоба: яны глыбока памыляюцца, працаваць, як раней, не атрымаецца. Мы са свайго боку зробім максімум для таго, каб яны не толькі гэта ўсвядомілі, але яшчэ і заплацілі тыя плацяжы ў бюджэт, якія былі скрыты ад падаткаабкладання", - сказаў Уладзімір Муквіч.
Паводле яго слоў, у выніку кантрольных мерапрыемстваў практычна 1,8 тыс. суб'ектаў гаспадарання трапілі ў поле зроку падатковых органаў. "У нас ёсць падставы гаварыць, што яны ўхіляюцца ад выканання падатковых абавязацельстваў. Мы накіравалі ім больш за 2 тыс. паведамленняў, некаторым мы іх накіроўвалі некалькі разоў. Як мы мяркуем, плацельшчыкі ўхіліліся ад выплаты падаткаў на суму большую за Br100 млн. Гэта сума, якая не паступіла ў бюджэт", - адзначыў намеснік міністра.
Складзена 79 актаў камеральных праверак, па якіх прад'яўлена ўжо да выплаты ў бюджэт Br17 млн. "Гэту работу мы праводзім не толькі ў рамках камеральнага кантролю. У нас пастаянна працуюць аператыўныя падраздзяленні ва ўзаемадзеянні з падраздзяленнямі органаў унутраных спраў Дзяржаўнай аўтамабільнай інспекцыі. Працуем і з Транспартнай інспекцыяй", - звярнуў увагу Уладзімір Муквіч.
Праведзена 764 адміністрацыйныя працэсы. МПЗ працуе не толькі ў рамках адміністрацыйных працэсаў, але і накіроўвае паведамленні ў Транспартную інспекцыю. За 4 месяцы гэтага года накіравана 975 паведамленняў у адносінах да 586 суб'ектаў гаспадарання. У многіх выпадках праводзілася прафілактычная работа. Плацельшчыкам даецца магчымасць устанавіць парушэнне.
"Яшчэ раз вымушаны звярнуць увагу вадзіцеляў аўтамабіляў таксі: неабходна выконваць патрабаванні ўказа нумар 32, варта падаць даныя ў рэестр, трэба выкарыстоўваць спецыяльнае абсталяванне, не скрываць выручку. Было дадзена больш чым дастаткова часу для таго, каб суб'екты гаспадарання, якія хочуць працаваць добрасумленна, падрыхтаваліся да новых норм, арганізавалі сваю дзейнасць. Заклікаем бізнес прыняць належныя меры і дзейнічаць у адпаведнасці з заканадаўствам", - сказаў на заканчэнне намеснік міністра.-0-
Падпісвайцеся на нас у
