8 чэрвеня, Мінск /Кар. БЕЛТА/. У Беларусі аб'яўлены аранжавы ўзровень небяспекі з-за навальніц і ліўняў. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
На большай частцы тэрыторыі краіны пройдуць дажджы, у паўднёва-ўсходніх раёнах прагрымяць навальніцы. Пры навальніцах чакаюцца моцныя ліўні, град і шквалістае ўзмацненне ветру з парывамі 15-20 м/с.
Тэмпература паветра складзе ад 21 градуса па захадзе да 30 градусаў па паўднёвым усходзе.-0-
Падпісвайцеся на нас у
