Фота з архіва
2 чэрвеня, Мінск /Кар. БЕЛТА/. Навальніцы і моцны вецер прагназуюць сёння ў Беларусі, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі. Месцамі па краіне, а па паўднёвым усходзе на большай частцы тэрыторыі пройдуць кароткачасовыя дажджы. У асобных раёнах па паўднёвым усходзе прагрымяць навальніцы. Вецер будзе паўночны парывісты, месцамі моцны парывісты.
Тэмпература паветра будзе ад плюс 10 градусаў па поўначы да плюс 26 градусаў па паўднёвым усходзе краіны.-0-
