Нацыянальны аэрапорт Мінск рыхтуюць да асенне-зімовага перыяду

21 жніўня, Мінск /Кар. БЕЛТА/. Нацыянальны аэрапорт Мінск рыхтуецца да асенне-зімовага перыяду. Аб гэтым паведамілі БЕЛТА ў прэс-службе паветранай гавані.

У рамках падрыхтоўчых мерапрыемстваў да асенне-зімовага перыяду эксплуатацыйныя службы Нацыянальнага аэрапорта Мінск праводзяць падрыхтоўку асабовага складу, сезоннае абслугоўванне спецтранспарту, правяраюць стан і эксплуатацыйную гатоўнасць усёй аэрадромнай тэхнікі і сродкаў механізацыі.

"Асаблівасць асенне-зімовага перыяду ў аэрапорце - неабходнасць апрацоўкі паветраных суднаў проціабледзяняльнай вадкасцю. Спецыяльныя аўтамабілі для дэайсінгу прайшлі перадсезоннае абслугоўванне і цалкам гатовы да работы. Акрамя таго, у ходзе мерапрыемстваў па падрыхтоўцы аэрапорта да работы ў халодную пару года праводзіцца рамонт штучных пакрыццяў, грунтавой часткі лётнага поля, праверка інжынерных сістэм, святлосігнальнага абсталявання, нарыхтоўваецца неабходная колькасць рэагентаў для апрацоўкі штучных пакрыццяў аэрадрома", - расказалі ў Нацыянальным аэрапорце.

Гатоўнасць аэрапорта да работы ў асенне-зімовы перыяд на адпаведнасць нарматывам праверыць спецыяльная камісія.-0-