Сцяг Нядзеля, 14 ліпеня 2024
Усе навіны
Усе навіны
Грамадства
04 чэрвеня 2024, 17:56

Нацыянальны аэрапорт Мінск прызнаны лепшым у СНД па выніках 2023 года

Фота з архіва
Фота з архіва
4 чэрвеня, Мінск /Кар. БЕЛТА/. Нацыянальны аэрапорт Мінск стаў пераможцам конкурсу "Лепшы аэрапорт года" па выніках работы за 2023 год, паведамілі БЕЛТА ў прэс-службе паветранай гавані.

Конкурс сярод авіягаваней краін СНД штогод праводзіцца Асацыяцыяй краін-удзельніц СНД, членам якой мінскі аэрапорт з'яўляецца з 1997 года.

У Маскве адбыўся гадавы справаздачны сход членаў асацыяцыі, на якім былі падведзены вынікі дзейнасці за 2023 год. Адбылося таксама ўзнагароджванне лаўрэатаў конкурсу "Лепшы аэрапорт года". У час цырымоніі ўзнагароджвання мінскі аэрапорт быў удастоены ганаровай граматы асацыяцыі і кубка "Лепшы аэрапорт СНД" за 2023 год.

Асацыяцыя "Аэрапорт" грамадзянскай авіяцыі ўтворана 18 снежня 1990 года. Яна з'яўляецца недзяржаўнай, некамерцыйнай арганізацыяй, якая была створана для каардынацыі дзейнасці яе членаў, пашырэння іх дзелавых магчымасцей, прадстаўлення і абароны іх інтарэсаў.-0-
Падпісвайцеся на нас у
Twitter
Топ-навіны
Свежыя навіны Беларусі