Фота з архіва
Навіны сюжэта
"Маладзёжная палітыка Беларусі "
9 красавіка, Мінск /Кар. БЕЛТА/. Больш за 455 тыс. навучэнцаў прынялі ўдзел у мерапрыемствах Тыдня фінансавай дасведчанасці дзяцей і моладзі. Аб гэтым БЕЛТА паведамілі ў Нацыянальным банку Беларусі.
У 2025 годзе ў мерапрыемствах Тыдня фінансавай дасведчанасці дзяцей і моладзі, паводле даных Міністэрства адукацыі Рэспублікі Беларусь, прынялі ўдзел больш за 455 тыс. навучэнцаў з 2374 устаноў адукацыі па ўсёй краіне. У гэтым годзе тыдзень праходзіў з 17 па 23 сакавіка пад дэвізам "Навядзі парадак у асабістых фінансах".
Высокая ўключанасць удзельнікаў забяспечана дзякуючы зладжанаму ўзаемадзеянню Нацыянальнага банка, Міністэрства адукацыі і ўдзельнікаў фінансавага рынку Беларусі.
Тыдзень фінансавай дасведчанасці дзяцей і моладзі праводзіцца ў Беларусі з 2016 года. Гэта штогадовая інфармацыйная кампанія, накіраваная на асвету маладых людзей у пытаннях фінансавай дасведчанасці і дапамогу ў авалоданні навыкамі рацыянальных фінансавых паводзін. Асаблівая ўвага ў час правядзення мерапрыемстваў тыдня ўдзяляецца кіраванню асабістымі фінансамі, важнасці зберажэнняў, разумным пазыкам і інвесціраванню, а таксама таму, як зберагчы сябе і сваіх блізкіх ад фінансавага махлярства.
На працягу тыдня работнікі адукацыі, супрацоўнікі Нацыянальнага банка і камерцыйных банкаў, лізінгавых і страхавых арганізацый, іншых удзельнікаў фінансавага рынку праводзяць заняткі па фінансавай дасведчнасці для навучэнцаў з выкарыстаннем прэзентацыйных і інфармацыйных матэрыялаў, распрацаваных Нацыянальным банкам.
Асноўным мерапрыемствам Нацыянальнага банка ў рамках Тыдня фінансавай дасведчанасці дзяцей і моладзі традыцыйна з'яўляецца штогадовы конкурс відэаблогераў "Грошы маюць значэнне", які праводзіцца з 2018 года. У бягучым годзе на конкурс паступіла больш за 500 відэаролікаў на тэму "Навядзі парадак у асабістых фінансах". Урачыстае ўзнагароджванне пераможцаў прайшло 28 сакавіка 2025 года ў Нацыянальным банку.
З падрабязнай інфармацыяй аб праведзеных у рамках Тыдня мерапрыемствах можна азнаёміцца на Адзіным партале фінансавай дасведчанасці fingramota. by.-0-
У 2025 годзе ў мерапрыемствах Тыдня фінансавай дасведчанасці дзяцей і моладзі, паводле даных Міністэрства адукацыі Рэспублікі Беларусь, прынялі ўдзел больш за 455 тыс. навучэнцаў з 2374 устаноў адукацыі па ўсёй краіне. У гэтым годзе тыдзень праходзіў з 17 па 23 сакавіка пад дэвізам "Навядзі парадак у асабістых фінансах".
Высокая ўключанасць удзельнікаў забяспечана дзякуючы зладжанаму ўзаемадзеянню Нацыянальнага банка, Міністэрства адукацыі і ўдзельнікаў фінансавага рынку Беларусі.
Тыдзень фінансавай дасведчанасці дзяцей і моладзі праводзіцца ў Беларусі з 2016 года. Гэта штогадовая інфармацыйная кампанія, накіраваная на асвету маладых людзей у пытаннях фінансавай дасведчанасці і дапамогу ў авалоданні навыкамі рацыянальных фінансавых паводзін. Асаблівая ўвага ў час правядзення мерапрыемстваў тыдня ўдзяляецца кіраванню асабістымі фінансамі, важнасці зберажэнняў, разумным пазыкам і інвесціраванню, а таксама таму, як зберагчы сябе і сваіх блізкіх ад фінансавага махлярства.
На працягу тыдня работнікі адукацыі, супрацоўнікі Нацыянальнага банка і камерцыйных банкаў, лізінгавых і страхавых арганізацый, іншых удзельнікаў фінансавага рынку праводзяць заняткі па фінансавай дасведчнасці для навучэнцаў з выкарыстаннем прэзентацыйных і інфармацыйных матэрыялаў, распрацаваных Нацыянальным банкам.
Асноўным мерапрыемствам Нацыянальнага банка ў рамках Тыдня фінансавай дасведчанасці дзяцей і моладзі традыцыйна з'яўляецца штогадовы конкурс відэаблогераў "Грошы маюць значэнне", які праводзіцца з 2018 года. У бягучым годзе на конкурс паступіла больш за 500 відэаролікаў на тэму "Навядзі парадак у асабістых фінансах". Урачыстае ўзнагароджванне пераможцаў прайшло 28 сакавіка 2025 года ў Нацыянальным банку.
З падрабязнай інфармацыяй аб праведзеных у рамках Тыдня мерапрыемствах можна азнаёміцца на Адзіным партале фінансавай дасведчанасці fingramota. by.-0-
Падпісвайцеся на нас у
