ДЗЯРЖОРГАНЫДЗЯРЖОРГАНЫ
Субота, 28 лістапада 2020
Мінск Суцэльная воблачнасць 0°C
Усе навіны
Усе навіны
Грамадства
22 кастрычніка 2020, 12:57

Нарышкін: спецслужбы могуць зрабіць многае для абароны Расіі і Беларусі ад пагроз, якія перыядычна ўзнікаюць

Сяргей Нарышкін
Сяргей Нарышкін

22 кастрычніка, Мінск /Кар. БЕЛТА/. Спецслужбы могуць зрабіць яшчэ многае, каб забяспечыць інтарэсы Беларусі і Расіі і абараніць ад пагроз, якія ўзнікаюць. Аб гэтым заявіў дырэктар Службы знешняй разведкі Расіі (СЗР) Сяргей Нарышкін на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Кіраўнік СЗР у пачатку сустрэчы падзякаваў кіраўніку беларускай дзяржавы за магчымасць сустрэчы і перадаў прывітальныя словы ад Прэзідэнта Расіі Уладзіміра Пуціна. "Дзякуй за цёплыя словы і прывітанне, за магчымасць сустрэцца і пагаварыць па шырокім коле пытанняў, якія датычацца саюзніцкіх адносін паміж краінамі, - сказаў ён у адказ на прывітанне Аляксандра Лукашэнкі. - Перш за ўсё, хацеў бы перадаць прывітанне ад Уладзіміра Уладзіміравіча. Я размаўляў з ім перад нашай з вамі сустрэчай, самыя добрыя пажаданні".

Сяргей Нарышкін таксама выказаў удзячнасць беларускім калегам за арганізацыю ў Мінску пасяджэння калегіі дзвюх спецслужбаў. "Дзякую нашым калегам за тое, што мы сёння тут сустракаемся, чарговы раз праводзім сумеснае пасяджэнне калегій нашых спецыяльных службаў. Праводзім яго ў няпросты час", - заўважыў ён.

Дырэктар СЗР падкрэсліў, што салідарны з той ацэнкай абстаноўкі вакол Саюзнай дзяржавы, пра якую заявіў у пачатку сустрэчы Прэзідэнт Беларусі. "Я абсалютна згодны з ацэнкамі ступені напружанасці сітуацыі, якая існуе ў свеце ў цэлым і ў тым ліку вакол нашых з вамі краін. Я ўпэўнены ў тым, што спецслужбы могуць зрабіць яшчэ шмат і шмат, каб забяспечыць інтарэсы і нашых дзяржаў, нашых грамадзян, абараніць аб тых пагроз, якія з пэўнай перыядычнасцю ўзнікаюць", - сказаў Сяргей Нарышкін.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі