Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

НАН Беларусі плануе развіваць супрацоўніцтва з акадэміямі навук Кітая

Грамадства 25.04.2019 | 13:53
Фота з архіва
Фота з архіва

25 красавіка, Мінск /Кар. БЕЛТА/. Нацыянальная акадэмія навук Беларусі плануе развіваць супрацоўніцтва з акадэміямі навук Кітая, паведаміў сёння журналістам старшыня Прэзідыума НАН Уладзімір Гусакоў, перадае карэспандэнт БЕЛТА.

"Мы пастаянна пашыраем супрацоўніцтва з КНР. Заключылі дагаворы не толькі з Кітайскай акадэміяй навук, але і з шэрагам акадэмій навук правінцый Кітая, стварылі сумесныя лабараторыі. Кітайскія вучоныя - частыя госці ў нас. Мы абмяркоўваем розныя праекты, прадастаўляем магчымасць азнаёміцца з рэзультатамі нашых даследаванняў, вызначаем напрамкі далейшага супрацоўніцтва. Будзем развіваць супрацоўніцтва з Кітаем ва ўсіх сферах, у тым ліку па вытворчасці беспілотнікаў", - сказаў Уладзімір Гусакоў.

НАН Беларусі ў 2018 годзе стала адной з заснавальніц і паўнапраўным членам Асацыяцыі міжнародных навуковых арганізацый рэгіёна "Пояс і шлях" (ANSO). На базе НАН сумесна з кітайскімі партнёрамі створана 19 міжнародных даследчых цэнтраў і лабараторый. Арганізацыямі НАН па кантрактах з партнёрамі з КНР у 2018 годзе было атрымана больш за $1,7 млн.

У Мінску сёння праходзіць сесія Агульнага сходу Нацыянальнай акадэміі навук Беларусі - вышэйшага калегіяльнага органа кіравання акадэміі. У яе рабоце прымаюць удзел амаль 500 прадстаўнікоў акадэмічнай, вузаўскай і галіновай навукі, маладыя вучоныя краіны, а таксама прадстаўнікі дзяржаўных органаў. На сесіі разглядаюцца вынікі дзейнасці ў 2018 годзе, задачы развіцця НАН Беларусі і навуковай сферы краіны на 2019 год, а таксама ўнясенне змяненняў у Палажэнне аб выбарах членаў НАН Беларусі. У час мерапрыемства праходзіць таксама выстаўка "Маладая акадэмія - IT-краіна", на якой прадстаўлены распрацоўкі маладых вучоных з выкарыстаннем інфармацыйных тэхналогій па розных напрамках: робататэхніка, біяінфарматыка, штучны інтэлект, смарт-матэрыялы, IT для медыцыны і інш.-0-

Фота Максіма Гучака

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Акцыя "Увага - дзеці!" Напярэдадні летніх канікулаў у Беларусі праходзіць акцыя "Увага - дзеці!". Тэрміны акцыі: 25 мая - 5 чэрвеня. Мэта - пазбегнуць траўматызму дзяцей на дарогах.