Сцяг Аўторак, 19 сакавіка 2024
Усе навіны
Усе навіны
Грамадства
15 кастрычніка 2019, 15:34

Надвор'е ў бліжэйшыя дні будзе садзейнічаць завяршэнню ўборкі бульбы - Белгідрамет

15 кастрычніка, Мінск /Кар. БЕЛТА/. Надвор'е ў бліжэйшыя дні будзе садзейнічаць завяршэнню ўборкі бульбы, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

"На большай частцы тэрыторыі Беларусі складваюцца спрыяльныя аграметэаралагічныя ўмовы для правядзення ўборачных работ. Добрае ўвільгатненне верхняга слоя глебы дае магчымасць падтрымліваць высокія тэмпы зяблевай апрацоўкі. Да канца другой дэкады кастрычніка ўмовы надвор'я будуць садзейнічаць завяршэнню ўборкі бульбы, нарыхтоўцы кармоў, уборцы кукурузы, цукровых буракоў і позняй агародніны", - сказалі ў Белгідрамеце.

Даволі складаная аграметэаралагічная абстаноўка для правядзення палявых сельскагаспадарчых работ захоўваецца ў паўночным рэгіёне краіны. Паводле апошніх даных, у многіх раёнах Віцебскай вобласці верхні слой глебы па-ранейшаму значна ўвільготнены. На пераўвільготненай глебе правядзенне ўборкі сельскагаспадарчых культур, агратэхнічных мерапрыемстваў па доглядзе пасеваў азімых культур, пад'ём зябліва ўскладнены. Чакаецца, што ў бліжэйшыя дні пад уплывам цёплага надвор'я пераўвільготненая глеба ў паўночных раёнах будзе прасыхаць.-0-

Падпісвайцеся на нас у
Twitter
Топ-навіны
Свежыя навіны Беларусі