24 верасня, Мінск /Кар. БЕЛТА/. Начныя замаразкі і слабы вецер прагназуюцца ў Беларусі 25 верасня. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Прагназуецца пераменная воблачнасць. Пераважна без ападкаў. Вецер паўднёва-заходні - уначы слабы, удзень 3-8 м/с.
Уначы ў многіх раёнах чакаюцца замаразкі - да 4 градусаў. Месцамі тэмпература паветра складзе ад 1 да 5 градусаў вышэй за нуль. Удзень паветра прагрэецца да 9-15 градусаў, па поўдні чакаецца да 17 градусаў цяпла.-0-
